Gujarati News

કતારમાં ફિફા વર્લ્ડ કપ પૂરજોશમાં ચાલી રહ્યો છે. આ મેચ જોવા માટે વિશ્વભરમાંથી હજારો ફૂટબોલ ચાહકો એકઠા થયા છે. દુનિયાભરમાંથી લોકો પોતાના દેશની ટીમોને પ્રોત્સાહિત કરવા અહીં આવ્યા છે. ઘણાં રમતપ્રેમીઓ જેમના દેશો આ વર્લ્ડ કપમાં નથી રમી રહ્યાં તે પણ આ સુંદર રમતનો આનંદ લેવા અહીં આવ્યા છે. કેરળના આવા જ એક ફૂટબોલ પ્રેમીને આર્જેન્ટીનાની એક મહિલા ચાહક મળી જેણે પોતાની ફરતે ભારતીય ત્રિરંગો લપેટ હતો. જે વીડિયોમાં આ વ્યક્તિએ આવું કરવાનું કારણ જણાવ્યું છે, તેણે ઇન્ટરનેટ પર દિલ જીતી લીધું છે.

આ વિડિયો yadil_m_iqbal નામના યુઝરે ઈન્સ્ટાગ્રામ પર પોસ્ટ કર્યો છે. વીડિયોમાં જોઈ શકાય છે કે કેરળનો એક વ્યક્તિ આર્જેન્ટિનાના ધ્વજની આસપાસ લપેટાયેલો છે. જ્યારે તેની બાજુમાં ઉભેલી આર્જેન્ટીનિયન મહિલાના ખભા પર ભારતીય ધ્વજ છે. મલયાલમમાં બોલતા, તે કહે છે કે તેમણે આર્જેન્ટીનાની રમત દરમિયાન તેને ભારતીય ધ્વજ સાથે જોયા હતા. તેમણે તેને કહ્યું કે આ આર્જેન્ટીના માટે ભારતીયોના પ્રેમનો જવાબ છે. મોટાભાગના ભારતીય દર્શકો આર્જેન્ટીનાને સમર્થન આપે છે.