Gujarati News

નવી દિલ્હીઃ ક્રિકેટ મેચમાં બોલ ટેમ્પરિંગ વિવાદમાં ફસાયેલા ઓસ્‍ટ્રેલિયન ક્રિકેટર સ્ટીવ સ્મિથને રાજસ્‍થાન રોયલ્સે કેપ્ટનપદેથી હાંકી કાઢીને અંજિક્ય રહાણેને સુકાન સોંપ્યુ છે.

આફ્રિકા વિરુદ્ધ મેચમાં સામે આવેલા આ મામલા બાદ ઓસ્ટ્રલિયા ક્રિકેટની ખુબ ટિક્કા થઈ છે. ખુદ ઓસ્ટ્રેલિયાના વડાપ્રધાને આ મામલે દોષિતોને સજા આપવાની વાત કરી છે.

આ વિવાદને કારણે ઓસ્ટ્રેલિયા ટીમના કેપ્ટન સ્ટીવ સ્મિથ અને વાઇસ કેપ્ટન ડેવિડ વોર્નરે તેનું પદ છોડ્વું પડ્યું. આ બંન્ને ખેલાડીઓ માટે ત્રીજી ટેસ્ટ પુરતો જ નિર્ણય લેવામાં આવ્યો. જ્યારે આ મામલે તપાસ રિપોર્ટ આવશે ત્યારે તેના પર નિર્ણય કરવામાં આવશે. 

આ પહેલા આઈપીએલના ચેરમેન રાજીવ શુક્લાએ કહ્યું કે આ એક ગંભીર ઘટના છે. અમે આ ઘટનામાં આઈસીસી અને ક્રિકેટ ઓસ્ટ્રેલિયાના નિર્ણયની રાહ જોઈ રહ્યાં છીએ. તેમણે કહ્યું કે, આઈપીએલની મેચ 7 એપ્રિલથી શરૂ થશે. અમે આ મામલે જલ્દી નિર્ણય લેશું. આઈસીસીએ આ મામલા પર રવિવારે નિર્ણય સંભળાવતા સ્મિથ પર એક મેચનો પ્રતિબંધ લગાવ્યો અને તેની પૂરી મેચ ફી કાપી લેવામાં આવી હતી. 

આ પહેલા રાજસ્થાન રોયલ્સના એક્ઝિક્યુટિવ ચેરમેન રંજીત ભર્થાકુરે કહ્યું, અમને આ પુરા ઘટનાક્રમની જાણકારી છે. આ વિશે કોઇપણ જાહેરાત કરતા પહેલા અમને બીસીસીઆઈના આદેશની પ્રતિક્ષા છે. અમે કોઇપણની વિરુદ્ધ કોઇપણ નિર્ણય લેવા માટે અટકશું નહીં. અમારી ઝીરો ટોલરેન્સ પોલિસી દરેક ખેલાડી પર લાગુ પડે છે.