Gujarati News

નવી દિલ્હી:પાકિસ્તાન ક્રિકેટ ટીમના બેટ્સમેન Kamran Akmal એ ઘરેલું ટી-૨૦ ટુર્નામેન્ટમાં રેકોર્ડ ઇનિંગ રમી છે. એટલું જ નહી આ દરમિયાન કામરાન અકમલ અને સલમાન બટ્ટની ઓપનીંગ જોડીએ ટી-૨૦ સૌથી વધુ રન મારવાનો રેકોર્ડ પણ તોડી દીધો છે. નેશનલ ટી-૨૦ કપમાં લાહૌર વાઇટ્સ તરફથી રમતા ઇસ્લામાબાદની સામે રાવલપિંડીમાં બટ્ટ અને અકમલે ૨૦૯ રનની રેકોર્ડ ભાગીદારી કરી હતી. આવી રીતે તેમને જો ડેનલી અને ડેનિયલ બેલ ડ્રમંડની ૨૦૭ રનની ભાગીદારીનો રેકોર્ડ તોડી દીધો હતો. આ રેકોર્ડ વર્ષ ૨૦૦૭ માં બન્યો હતો. તેની સાથે અકમલ અને બટ્ટની જોડી પ્રથમ વિકેટ માટે બેવડી સદીની ભાગીદારી કરનારી વર્લ્ડની ત્રીજી ઓપનર જોડી પણ બની ગઈ છે.ઉલ્લેખનીય છે કે, મેચમાં લાહોરની ટીમ પહેલા બેટિંગ કરવા ઉતરી હતી. તેમાં અકમલે ૨૧૧.૨૬ ની સ્ટ્રાઈક રેટથી માત્રમાં ૭૧ બોલમાં ૧૫૦ રન બનાવ્યા હતા. ખાસ વાત એ છે કે, કામરાન અકમલે આ દરમિયાન અણનમ પણ રહ્યા હતા. તેમને ઇનિંગમાં ૧૪ ચોગ્ગા અને ૧૨ સિક્સર ફટકારી હતી. તેમની આ ઇનિંગ ટી-૨૦ માં કોઈ પણ પાકિસ્તાની ખેલાડી દ્વ્રારા સૌથી મોટી ઇનિંગ સાબિત થઈ છે. તેમ છતાં વર્લ્ડ સ્તરમાં આઠમાં બેટ્સમેન આ સિદ્ધિ મેળવી ચુક્યા છે.