Gujarati News

Gujarati News

News of Tuesday, 25th September 2018

એશિયા કપ 2018: કેપ્ટ્ન તરીખે ધોનીની પસંદગી

નવી દિલ્હીઃ મંગળવારે દુબઈના આંતરરાષ્ટ્રીય ક્રિકેટ સ્ટેડિયમના મેદાન પર એશિયા કપમાં જ્યારે બંન્ને કેપ્ટન મેદાન પર આવી રહ્યાં હતા તો તમામ દર્શકો ચોંકી ગયા. અફઘાનિસ્તાનના કેપ્ટન અસગર અફગાનની સાથે જે વ્યક્તિ ટોસ માટે આવી રહ્યો હતો તે રોહિત શર્મા ન હતો. જી, હા કેમેરાનું ફોકસ થયું તો સામે મહેન્દ્ર સિંહ ધોની હતો. શું ધોની આ મેચમાં આગેવાની કરશે. જી આશરે બે વર્ષ બાદ મહેન્દ્ર સિંહ ધોની ફરી એકવાર ભારતીય ટીમની આગેવાની કરી રહ્યો છે. યોગ્ય હિસાબ કરીએ તો 696 દિવસ બાદ ધોની ટીમ ઈન્ડિયાનું સુકાન સંભાળી રહ્યો છે.

ધોનીએ છેલ્લીવાર 29 ઓક્ટોબર 2016ના રોજ ન્યૂઝીલેન્ડ વિરુદ્ધ વિશાખાપટ્ટનમમાં ભારતીય ટીમનું સુકાન સંભાળ્યું હતું. આ મેચમાં ભારતને 190 રને જીત મળી હતી. કેપ્ટન તરીકે ધોનીનો આ 200મો એકદિવસીય મેચ છે. આ મુકામ હાસિલ કરનારો તે વિશ્વનો 3જો કેપ્ટન છે. એકદિવસીય ક્રિકેટમાં સૌથી વધુ મેચમાં કેપ્ટનશિપ કરવાનો રેકોર્ડ ઓસ્ટ્રેલિયાના રિકી પોન્ટિંગના નામે છે. પોન્ટિંગે 230 મેચમાં સુકાન સંભાળ્યું જેમાં 165 મેચ ઓસ્ટ્રેલિયાએ વિજય મેળવ્યો હતો. ત્યારબાદ ન્યૂઝીલેન્ડના સ્ટીફન ફ્લેમિંગનો નંબર આવે છે, જેમણે 218 મેચમાં આગેવાની કરી અને કીવી ટીમ તેમાંથી 98 મેચ જીતી હતી.

(6:37 pm IST)
  • આધાર કાર્ડની જરૂરિયાત પર સુપ્રીમ કોર્ટનો કાલે આવશે નિર્ણય:જેનાથી એ નક્કી થશે કે બેંક ખાતાઓ, મોબાઇલ ઓપરેટર્સ અથવા સરકારી યોજનાઓમાં આધાર કાર્ડ જરૂરી છે કે નહીં?:આ મામલે સુપ્રીમકોર્ટમાં કુલ 38 દિવસ સુધી સુનવણી ચાલી;જજોની પાંચ સદસ્ય બંધારણીય પીઠે 10મી મેં એ ચુકાદો અનામત રાખ્યો હતો access_time 1:06 am IST

  • છોટાઉદેપુર : પાવી જેતપુર પોલીસ સ્ટેશન માંથી વિશ્વાસ ઘાત છેતરપિંડી ગુન્હામાં પકડાયેલ આરોપી ફરાર: પોલીસ સ્ટેશન માં લોક અપ માંથી રાયટર આરોપી ના જવાબ લેવા બહાર કાઢતા ત્રણ ઇસમો રાયટર જોડે વાત કરતા હતા ત્યારે નજર ચૂકવી ફરાર : આરોપી અરવિંદ દલસુખ રાઠવા ફરાર : પોલીસ ભાગી ગયેલા આરોપી ને પકડવા ના ધમ પછાડા access_time 1:19 pm IST

  • છોટા ઉદેપુર: પાવિ જેતપુર પોલીસ સ્ટેશનમાં લાગેલા સીસીટીવી તમામ બંધ હાલતમા :પોલીસ ને પૂછતા જણાવ્યું કે લગાવ્યા ત્યાર થી ચાલતા જ નથી access_time 1:20 pm IST