Gujarati News

Gujarati News

News of Tuesday, 24th November 2020

આઇપીએલી-14 પહેલા જ પ્લેયર્સનું મેગા ઓકશન થશે : નિરાશાજનક પ્રદર્શન કરનાર ચેન્નઇ સુપર કિંગ્સ 3 ખેલાડીઓને રિટર્ન કરે તેવી શકયતા

મુંબઈ : મહેન્દ્રસિંહ ધોનીની કેપ્ટનશિપવાળી ચેન્નઈ સુપરકિંગ્સ માટે ઈન્ડિયન પ્રીમિયર લીગ 2020ની 13મી સીરિઝ બહુ નિરાશાજનક રહી છે. 3 વાર ચેમ્પિયન ચેન્નઈ માટે દૂબઈ પહોંચતા મુશ્કેલીઓ શરૂ થઈ ગઈ હતી. ટીમના મિડલ ઓર્ડર બેટ્સમેન સુરેશ રૈના ટુર્નામેન્ટ શરૂ થતા પહેલા યુએઈ પહોંચ્યા બાદ અંગત કારણોને કારણે સ્વદેશ પરત ફર્યા હતા. જ્યારે કે હરભજને પણ પોતાનું નામ પરત લઈ લીધું હતું

આઈપીએલ 2021 ને લઈને અત્યારથી ચર્ચાઓ ગરમ થવા લાગી છે કે, આઈપીએલ 14 પહેલા પ્લેયર્સનું મેગા ઓક્શન થશે. આવામાં ફ્રેન્ચાઈઝી માત્ર 3 પ્લેયર્સને રિટર્ન કરી શકે છે. આવામા ચેન્નઈની ટીમ પ્લેયર્સને રિટર્ન કરી શકે છે. તો સાથે એમએસ ધોની (ms dhoni) ને રિલીઝ કરીને આરટીએમ કાર્ડના માધ્યમથી ફરીથી મેળવી શકે છે

આઈપીએલમાં દીપક ચાહર સીએસકે માટે એક બેસ્ટ બોલર છે. ચાહરે આઈપીએલમાં બેસ્ટ પ્રદર્શન આપીને ટીમ ઈન્ડિયામાં જગ્યા બનાવી હતી. 28 વર્ષીય ચાહર ચેન્નાઈ માટે ઓછામાં ઓછા 3 વર્ષ માટે રમી શકે છે. જો સીએસકે તેમને રિટર્ન કરે છે તો તે પેસ અટૈકની આગેવાની કરી શકે છે. ચાહર ઉપરાંત મુંબઈ ઈન્ડિયન્ તરફથી રમનાર પેસર જસપ્રીત બુમરાહ, ભુવનેશ્વર કુમાર અને મોહંમદ સિરાઝને ફ્રેન્ચાઈઝી રિટર્ન કરી શકે છે. દીપક ચાહરે સીએસકે માટે 40 થી વધુ વિકેટ લીધા છે. રણજી ટ્રોફીમાં રાજસ્થાન તરફથી રમનાર ચાહર ચેન્નઈ માટે અત્યાર સુધી બેસ્ટ પ્રદર્શન કરતા આવ્યા છે

સીએસકે તરફખી સૈમ કર્રન આઈપીએલ 2020માં બોલરની સાથે બેટિંગમાં પણ શાનદાર પ્રદર્શન આપી ચૂક્યા છે. સૈમ કર્રનને આઈપીએલ 13માં સ્ટાર ઓલરાઉન્ડર ડ્વેન બ્રોવાની જગ્યાએ ઉતારાયા હતા, જે શરૂઆતી મેચ બાદ ઈજા થવાને કારણે ટુર્નામેન્ટમાંથી બહાર થઈને સ્વદેશ પરત ફર્યા હતા.

ઈંગ્લેન્ડના યુવા ઓલરાઉન્ડર સૈમ કર્રને તકને બંને હાથમાં મેળવવા કોઈ તક છોડી. સૈમ કર્રને અનેક મેચમાં ફીનિશરની ભૂમિકા ભજવી છે. અનેક વિકેટ લીધી છે. સૈમ કર્રનના ઓલરાઉન્ડર પ્રદર્શન ક્ષમતાને જોઈને સીએસકે પ્લેયરને રિલીઝ કરવા નહિ માંગે. 22 વર્ષના ઈંગ્લેન્ડના પ્રતિભાવાન પ્લેયરને પોતાની સાથે જોડીને સીએસકેએ બેસ્ટ કામ કર્યું છે. જો તે Sam Curran ને રિટર્ન કરે છે તો ટીમ આગામી વર્ષમાં વિનર સાબિત થઈ શકે છે

ઓલરાઉન્ડર રવિન્દ્ર જાડેજા અનેક વર્ષોથી ચેન્નઈ માટે રમી રહ્યાં છે. જાડેજા મેચ વિનર પ્લેયર છે. તે બોલિંગ ઉપરાંત નીચલા ક્રમમાં તાબડતોડ બેટિંગ માટે પણ પ્રખ્યાત છે. જાડેજા ટર્નિંગ વિકેટ પર ઘાતક બોલર સાબિત થઈ શકે છે

(5:43 pm IST)
  • થાણેમાં મહારાષ્ટ્ર નવનિર્માણ સેનાના નેતા જમીલ શેખની ગોળી મારી હત્યા થઈ છે. મોટરસાયકલ ઉપર આવેલા બે અજાણ્યા શખ્સોએ શેખનો પીછો કરી માથામાં ગોળી મારી હત્યા કરી હતી. access_time 8:40 am IST

  • અમદાવાદમાં નવી કોવીદ હોસ્પિટલો શરૂ : અમદાવાદમાં છ નવી કોવિડ હોસ્પિટલો શરૂ કરવામાં આવી છે જે પૈકી ત્રણ હોસ્પિટલોમાં વધારાની બેડ ખાલી હોવાનું અમદાવાદ કોર્પોરેશને જણાવ્યું છે. access_time 9:53 pm IST

  • અમદાવાદના રાત્રી કર્ફ્યુને લઇ આવ્યા મોટા સમાચાર : કોરોના સંક્રમણ ને લીધે અમદાવાદમાં 7મી ડિસેમ્બર સુધી રાત્રી કર્ફ્યુ જાહેર : અમદાવાદ પોલીસના જાહેરનામામાં તારીખનો ઉલ્લેખ : પોલીસ કમિશનરે જારી કર્યું છે જાહેરનામું access_time 6:39 pm IST