Gujarati News

વર્લ્ડ રેસલિંગ ચેમ્પિયનશીપમાં વિશ્વની નંબર વન ભારતીય રેસલર બજરંગ પુનિયાએ બ્રોન્ઝ લીધો હતો. એશિયન ચેમ્પિયન બજરંગે 65 કિલો વજનની કેટેગરીની બ્રોન્ઝ મેડલ મેચમાં મંગોલિયાની તુલ્ગા ઓચિરને 8-7થી હરાવ્યો હતો.

  સેમિફાઇનલમાં બજરંગ પુનિયા 9-9નો સ્કોર નોંધાવ્યા પછી પણ હાર્યા હતા અને તે પછી તેણે અમ્પાયરિંગ પર પોતાનો ગુસ્સો વ્યક્ત કર્યો હતો. બજરંગના ગુરુ અને ભારત માટે ઓલિમ્પિક મેડલ જીતનારા યોગેશ્વર દત્તે પણ આ અંગે નારાજગી વ્યક્ત કરી હતી. બ્રોન્ઝ મેડલ મેચની શરૂઆતમાં બજરંગ જોકે પાછળ હતો.

મંગોલિયન કુસ્તીબાજ ઓચિરે તેમને બહાર કાઢ્યા અને બે પોઇન્ટ લીધા અને ત્યારબાદ ચેસ્ટ થ્રો દ્વારા ચાર પોઇન્ટ લીધા અને 6-0ની લીડ મેળવી લીધી. જોકે બજરંગે બે પોઇન્ટ લીધા હતા અને સ્કોર 6-2પર પહોંચ્યો હતો. આ પછી, બજરંગે સતત પોઇન્ટ મેળવીને તેના પોઇન્ટ્સની સંખ્યા 8 પર લીધી.

અહીં મંગોલિયન ખેલાડીએ એક પોઇન્ટ લીધો પરંતુ બજર્ંગે તેની લીડ જાળવી રાખી અને બ્રોન્ઝ જીત્યો. જ્યારે બંજરગનો વર્લ્ડ ચેમ્પિયનશીપમાં આ ત્રીજી ચંદ્રક છે. તેણે 2013 માં બ્રોન્ઝ જીત્યો, પરંતુ તે પછી 60 કિલો વજનની કેટેગરીમાં રમ્યો. 65 કિલો વજનના વર્ગમાં બજરંગે ગયા વર્ષે પોતાનું પહેલું મેડલ જીત્યું હતું, જે રજત પદક હતું.