Gujarati News

Gujarati News

News of Wednesday, 21st March 2018

મારુ સપનું વર્લ્ડકપનું ટાઇટલ જીતવાનું છે: મેસી

નવી દિલ્હી: આર્જેન્ટીનાના સ્ટાર ફુટબોલ ખેલાડી લિયોનેલ મેસ્સીનુ કહેવુ છે કે તેના માટે વર્લ્ડકપનુ ટાઈટલ જીતવુ જીવનનુ સૌથી મોટુ સપનુ છે. મેસ્સીએ જણાવ્યુ હતું કે, મારા માટે સપનુ પૂર્ણ કરવા વખતે અંતિમ તક છે. 
દિગ્ગજ ખેલાડીએ જણાવ્યુ હતું કે, જેમ જેમ વર્લ્ડકપનો સમય નજીક આવી રહ્યો છે તેમ તેમ મારા મનમાં ટાઈટલ જીતવાની લાલચ વધી રહી છે. અત્યારે મારુ એક માત્ર લક્ષ્યાંક વર્લ્ડકપ જીતવાનુ છે તેનાથી વધુ કે ઓછુ મારે કંઈ જોઈતુ નથી. 
મેસ્સીએ જણાવ્યુ હતું કે, ૨૦૧૪ના વર્લ્ડકપમાં ફાઈનલમાં જર્મની સામે મળેલ હાર આજે પણ મારા મનને અંદરથી હચમચાવી નાખે છે. હું ફાઈનલમાં પહોંચીને ટ્રોફી જીતવાનુ સપનુ જોઉ છું, પરંતુ જ્યારે જર્મની સામે હાર મળી હતી તે બાબત યાદ આવે છે અને આજે પણ મારી રાતની ઊંઘ ઉડી જાય છે. અમે જીતની ખૂબ નજીક હતા પરંતુ છેલ્લી ક્ષણોમાં મેચ બદલાઈ ગઈ. મેસ્સીએ જણાવ્યુ હતું કે, મને વાતનો આનંદ છે કે અમારા ટીમ મેનેજમેન્ટને આજે પણ મારા પર વિશ્વાસ છે અને પ્રશંસકો આજે પણ મને જીતતો જોવા માંગે છે. પરંતુ હું વધુ પડતો ઉત્સાહિત થવા માંગતો નથી. પાંચ વખત ગોલ્ડન બોલ એવોર્ડ જીતી ચુકેલ મેસ્સીએ જણાવ્યુ હતું કે હું દરેક દિવસ પોતાના જીવનને ભરપુર રીતે જીવી લેવા માંગુ છું. પોતાની પત્ની અને બાળકો સાથે હોઉ ત્યારે હું બધુ ભુલી જાઉ છું. પરંતુ વર્લ્ડકપથી વધારે મારા માટે પરિવાર પણ મહત્વનો નથી.

(5:40 pm IST)
  • 'વો કૌન થી'ના રીમેકમાં ઐશ્વર્યા રાય અને શાહિદ, સાધના - મનોજકુમારના રોલમાં : ૧૯૬૪ની સાલની લોકપ્રિય ફિલ્મ ''વો કૌન થી''ની રિમેકમાં સાધનાનો રોલ ઐશ્વર્યા રાય તથા મનોજકુમારનો રોલ શાહીદ કપૂર ભજવશે access_time 3:41 pm IST

  • અફઘાનીસ્તાનના પાટનગર કાબુલમાં યુનિર્વસીટી નજીક કાર બોંબ બ્લાસ્ટઃ ૨૬ના મોત : અફઘાનિસ્તાના કાબુલમાં આત્માઘાતી કાર બોંબ બ્લાસ્ટમાં ૨૫ના મોત, ૧૮ ઈજાગ્રસ્તઃ કાબુલ યુનિ. અને અલી અબાદ હોસ્પિટલ પાસે થયો બ્લાસ્ટઃ નવુ વર્ષની થઈ રહી હતીઃ ઉજવણી access_time 4:47 pm IST

  • આવી રહેલ હવાના દબાણને લીધે દક્ષિણ અને આંતરિક તામિલનાડુ, કેરળ, કર્ણાટક અને કોંકણ-ગોવાના ભાગોમાં સારો વરસાદ પડશે access_time 12:52 pm IST