Gujarati News

Gujarati News

News of Tuesday, 17th April 2018

અમારા સમયમાં બોલિંગ કરવી સરળ હતી:મુરલીધર

નવી દિલ્હી: પોતાની ફિરકીથી દુનિયાભરના બેટ્સમેનોને નચાવનાર મુથૈયા મુરલીધરનુ માનવુ છે કે તેમની યુવાવસ્થામાં બોલિંગ કરવુ સરળ હતુ જ્યારે ટી-૨૦ ક્રિકેટનુ ચલણ બહુ ઓછુ હતુ. 
આંતરરાષ્ટ્રીય ક્રિકેટના સૌથી સફળ બોલર મુરલીધરણે જણાવ્યુ કે, અમારા સમયમાં બોલિંગ કરવી ઘણી સરળ હતી. હવે ક્રિકેટનો વિકાસ થયો છે અને જેથી બોલિંગ કરવી સરળ નથી. અમે બહુ ટી-૨૦ મેચ નથી રમી અને ટેસ્ટ મેચોમાં બેટ્સમેનો એટલી સિક્સ નહતા મારતા જેટલી અત્યારે મારે છે. ટેસ્ટ ક્રિકેટમાં ૮૦૦ વિકેટ મેળવનાર મુરલીધરણે જણાવ્યુ કે, ૧૯૯૬માં વિશ્વકપ જીત જીતવો તેમના કરીયરની સર્વશ્રેષ્ઠ પળ હતી. આઈપીએલમાં સનરાઈઝર્સ હૈદરાબાદના બોલિંગ કોચ એવા મુરલીધરણનું કહેવુ છે કે હું ૧૯૯૬ વિશ્વકપ જીતને હંમેશા યાદગાર બનાવીને રાખુ છું કારણકે શ્રીલંકા ક્રિકેટ માટે સૌથી મહત્વપૂર્ણ વસ્તુ હતું. સનરાઈઝર્સ માટે ક્ષણ ૨૦૧૬માં આવી જ્યારે તેમણે આઈપીએલ ટ્રોફી જીતી. 
મુરલીધરણ ઉપરાંત સનરાઈઝર્સના કેપ્ટન કેન વિલિયમ્સને પણ પોતાની જુની યાદોને વાગોળી, જ્યારે તે સચિન તેંડુલકરને પોતાના આદર્શ માનતો હતો. જ્યારે સનરાઈઝર્સના ઓપનર શિખર ધવને આંતરરાષ્ટ્રીય ક્રિકેટથી સંન્યાસ બાદ પોતાના પારિવારીક વ્યવસાય સાથે જોડાઈ જવા અંગેની સંભાવના અંગે જણાવ્યુ.

(4:48 pm IST)
  • વડોદરાના ગાયત્રીનગર સોસાયટીના રહીશો સાથે છેતરપીંડી અને વિશ્વાસઘાત મામલે સીઆઈડી ક્રાઈમ અને વડોદરા પોલીસે નોંધેલા ગુન્હામાં જામીન મેળવવા ૫ ગુન્હાના આરોપી ડોલી પટેલે હાઈકોર્ટમાં કરેલી અરજી ફગાવી દેવાઈ access_time 4:56 pm IST

  • સાઉદી અરબમાં હિલચાલઃ ૨૪ મુસ્લિમ રાષ્ટ્રો સાથે યુદ્ધ અભ્યાસઃ ખ્રિસ્તી રાષ્ટ્રોના હુમલા ખાળવા ઈસ્લામિક રાષ્ટ્રો એક બની રહ્યા છે...: દુનિયા ખતરનાક દિશામાં જઈ રહી છેઃ અમેરિકા-બ્રિટન જેવા ખ્રિસ્તી રાષ્ટ્રોના હુમલાના પ્રતિકાર માટે ઈસ્લામિક રાષ્ટ્રોની તૈયારીઃ સાઉદી અરબે પાકિસ્તાને અલગ રાખ્યું access_time 11:32 am IST

  • અમદાવાદના આંબાવાડી વિસ્તારના આંબેડકર નગરમાં મોડી રાત્રે યુવતીની છેડતી બાબતે જૂથ અથડામણને પગલે ભયનો માહોલ છવાઈ ગયો હતો. સામસામે આવી ગયેલા બે જૂથોએ વાહનોને આગ પણ ચાંપી દીધી હતી. ટોળાએ ફાયરબ્રિગેડ અને પોલીસ પર પણ પથ્થરમારો કર્યો હતો. જેમાં ફાયરબ્રિગેડનો એક કર્મચારી ઘાયલ થયો હતો. ટોળાને વિખેરવા માટે પોલીસને ટીયરગેસના સેલ છોડવા પડ્યા હતા. access_time 4:00 am IST