Gujarati News

નવી દિલ્હી: શ્રીલંકા સામેની ૩ વન-ડે મેચોની સીરીઝ બાદ ભારતીય ઓપનર રોહિત શર્માએ પોતાના પ્રદર્શનથી આઈસીસી વન-ડે રેકીંગમાં બે ક્રમનો સુધારો કર્યો છે. તે વન-ડે રેકીંગની બેટ્સમેનોની યાદીમાં બે ક્રમના સુધારા સાથે પાંચમાં ક્રમાંકે પહોંચી ગયો છે. જ્યારે આ શ્રેણીથી બહાર રહેલ વિરાટ કોહલી પોતાના ટોચના ક્રમે યથાવત છે. રોહિત શ્રીલંકા સામે વન-ડે સીરીઝમાં કેપ્ટન તરીકે ભૂમિકામાં હતો.રવિવારે નિર્ણાયક મેચ જીતતાની સાથે ભારતે રોહિતના નેતૃત્વમાં ૨-૧થી વન-ડે શ્રેણી જીતી લીધી હતી. 
આ સીરીઝની બીજી મેચમાં રોહિત શર્માએ પોતાના કરીયરની ત્રીજી બેવડી સદી ફટકારીને ભારતને ભવ્ય જીત અપાવી હતી. વન-ડેમાં હજી પણ વિરાટ કોહલી ૮૭૬ પોઈન્ટ સાથે ટોપ પર છે. જ્યારે રોહિત શર્મા બે ક્રમના સુધારા સાથે ૫માં ક્રમે પહોંચી ગયો છે. 
આ પ્રથમ વખત બન્યુ છે જ્યારે રોહિતે ૮૦૦ રેટીંગ પોઈન્ટનો આંકડો પાર કર્યો હોય. અત્યારે તેના ૮૧૬ રેટીંગ પોઈન્ટ છે.