Gujarati News

નવી દિલ્હીઃ શ્રીલંકાના પૂર્વ ક્રિકેટર મહેલા જયવર્દને એક, બે નહીં પરંતુ સમગ્ર ૩ ટીમના કોચ બની ગયા છે. તેને શ્રીલંકાની મેન્સ સિનિયર ટીમનો કન્સલ્ટિંગ કોચ બનાવવામાં આવ્યો છે, આ સિવાય તે અંડર-૧૯ અને શ્રીલંકાએ ટીમ સાથે પણ આ ભૂમિકામાં જોડાશે. આ ત્રણ ટીમો સાથે કન્સલ્ટિંગ કોચ તરીકે જયવર્દનેનો કરાર માત્ર આગામી એક વર્ષ માટે છે.  શ્રીલંકા ક્રિકેટે એક પ્રેસ રિલીઝ જારી કરીને કહ્યું કે ત્રણેય ટીમો સાથે જયવર્દનેનો કાર્યકાળ ૧ જાન્યુઆરી, ૨૦૨૨થી શરૂ થશે.  આ સમય દરમિયાન, તે સિનિયર ટીમ સાથે સંબંધિત તમામ ક્રિકેટ સંબંધિત બાબતોનો હવાલો સંભાળશે અને હાઈ પરફોર્મન્સ સેન્ટર ખાતે ખેલાડીઓ અને મેનેજમેન્ટ ટીમને મહત્વપૂર્ણ સૂચનો આપશે.