Gujarati News

નવી દિલ્હી :વિશ્વકપમાં ભારત અને પાકિસ્તાનના મેચની આતુરતા પૂર્વક ક્રિકેટ રસિકો રાહ જોઈ રહ્યાં છે ત્યારે ભારત-પાકિસ્તાન મેચ પહેલા ક્રિકેટ ફેન્સ માટે નિરાશાજનક અહેવાલ મળે છે રવિવારે માન્ચેસ્ટરમાં વરસાદ થવાની શક્યતા છે

 . હવામાન વિભાગ મુજબ રવિવારે માન્ચેસ્ટરમાં વરસાદ થવાની 75 ટકા શક્યતા છે. માન્ચેસ્ટરમાં સવારથી લઇને સાંજ સુધી ત્રુટક-ત્રુટક વરસાદ થતી રહેશે. તેવામાં અત્યારે બે જ વિકલ્પ છે. એક તો મેચ થશે, પરંતુ તેને અધવચ્ચે જ રોકવાની ફરજ પડે. બીજુ, મેચ રદ્દ કરવા પડે.

   એક્યુવેધરનાં જણાંવ્યા પ્રમાણે માન્ચેસ્ટરમાં 16 જુને દિવસભર વાદળો ઘેરાયેલા રહેશે. સવારે 9 વાગ્યે, 11 વાગ્યે અને બપોરે 3 વાગ્યે વરસાદની શક્યતા છે. જો અનુમાન પ્રમાણે થશે તો  મેચ સમય કરતા મોડી શરૂ થશે. તેમજ વચ્ચે-વચ્ચે વરસાદ વિલન બનશે. સૌથી મોટી વાત એ છે કે જુન મહિનામાં અત્યાર સુધીમાં સૌથી વરસાદ માન્ચેસ્ટર શહેરમાં પડ્યો છે. આ મહિને માન્ચેસ્ટરમાં 71 મિલીમીટર સુધી વરસાદ નોંધાયો છે.