Gujarati News

Gujarati News

News of Friday, 12th January 2018

ઓસ્ટ્રેલિયા ઓપન ક્વાલિફાયર રાઉન્ડમાં યુકી-રાજકુમારને મળી જીત

નવી દિલ્હી:ભારતના ટોચના ટેનીસ ખેલાડી યુકી ભાંબરી અને રાજકુમાર રામનાથે વર્ષના પ્રથમ ગ્રાન્ડસ્લેમ ટૂર્નામેન્ટ ઓસ્ટ્રેલિયન ઓપનના ક્વાલીફાય રાઉન્ડમાં પોતપોતાની મેચ જીતી લીધી છે. જોકે, સુમિત નાગલ અને પ્રજ્ઞોશ ગુણેશ્વરે હારનો સામનો કરવો પડયો છે. 
ભાંબરીએ ક્વોલીફાય મેચમાં કેનેડાના બ્રેડલે સુનેરને ૧-૬, ૬-૩, ૬-૪થી હરાવ્યો હતો. હવે તેનો સામનો સ્પેનના કાર્લોસ ટોબેરનેર સામે થશે. જ્યારે રામનાથને અમેરિકાના બ્રાડલે ક્લાનને ૬-૭, ૭-૬, ૬-૨થી પરાજય આપ્યો હતો. જ્યારે સુમિત નાગલે ઈટાલીના અલેજાન્દ્રો જિયાંનેસ્સી સામે ૭-૬, ૩-૬, ૬-૩થી હારનો સામનો કરવો પડયો હતો. 

 

(4:34 pm IST)
  • ભાગેડુ અપરાધી અને ઉદ્યોગપતિ વિજય માલ્યાના પ્રત્યર્પણના કેસમાં લંડનની અદાલતમાં ગુરુવારે યોજાયેલી સુનાવણીનું કોઇ નક્કર પરિણામ આવ્યું નથી. વિજય માલ્યાનું પ્રત્યર્પણ ફરીથી પાછું ઠેલાયું છે. પુરાવાનો સ્વીકાર કરવો કે નહીં તે બાબતે વિજય માલ્યાના વકીલે દલીલ અને રજૂઆત કર્યા બાદ માલ્યાના જામીન બે એપ્રિલ સુધી લંબાવવામાં આવેલ છે. access_time 3:54 pm IST

  • અમેરિકાના દક્ષિણ કેલિફોર્નિયામાં આવેલા ભારે વરસાદ બાદ પૂરની સ્થિતિ સર્જાઈ છે. કેલિફોર્નિયામાં અનેક વિસ્તારોમાં ભૂસ્ખલનની ઘટના બની છે, જેના કારણે હજારો લોકો બેઘર થઈ ગયા છે અને 17 લોકોના મોત નિપજ્યા છે. જ્યારે 20થી વધુ લોકો લાપતા છે. મૃત્યુઆંક હજુ પણ વધે તેવી શક્યતા સેવાઈ રહી છે. access_time 6:16 pm IST

  • હઝ પર 9 ટકા જીએસટી દૂર કરવાની માંગ સાથે દાખલ કરાયેલ અરજીની પર આજે સુપ્રીમ કોર્ટે કેન્દ્ર સરકારને પોતાનો જવાબ રજુ આપવાનો આદેશ આપ્યો છે access_time 9:32 am IST