Gujarati News

Gujarati News

News of Sunday, 11th April 2021

ચેન્નઈના કેપ્ટન ધોનીને સ્લો ઓવર રેટ માટે ૧૨ લાખનો દંડ

ચેન્નાઈની હાર બાદ ધોનીને વધુ એક ઝટકો : ધોની ખાતું ખોલાવ્યા વિના બોલ્ડ થઇ ગયા હતા, મેચ બાદ આઈપીએલ ગવર્નિંગ કાઉન્સિલે ટીમને દંડ ફટકાર્યો છે

નવી દિલ્હી,તા.૧૧ : યુવા કેપ્ટન ઋષભ પંતની આગેવાની હેઠળની દિલ્હી કેપિટલ્સે ઈન્ડિયન પ્રીમિયર લીગની પોતાની પહેલી મેચમાં મહેન્દ્રસિંહ ધોનીની ચેન્નાઈ સુપર કિંગ્સને સાત વિકેટથી પરાજય આપ્યો હતો. પૃથ્વી શો અને શિખર ધવનની વિસ્ફોટક અર્ધસદીના આધારે દિલ્હીની ટીમે ચેન્નાઈ સુપર કિંગ્સના ૧૮૯ રનના લક્ષ્યાંકને સરળતાથી હાંસલ કરી લીધો. પ્રથમ મેચ ચેન્નઈ સુપર કિંગ્સ અને કેપ્ટન મહેન્દ્રસિંહ ધોની બંને માટે ખરાબ સાબિત થઈ હતી. ગઇકાલે ધોની ખાતું ખોલાવ્યા વિના બોલ્ડ થઇ ગયા હતા. આ મેચ બાદ આઈપીએલ ગવર્નિંગ કાઉન્સિલે તેમની ટીમને દંડ ફટકાર્યો છે. ચેન્નઇના કેપ્ટન મહેન્દ્ર સિંહ ધોનીને દિલ્હી કેપિટલ્સ સામે સ્લૉ ઓવર રેટ માટે ૧૨ લાખ રૂપિયાનો દંડ ફટકારવામાં આવ્યો છે.

          હકીકતમાં, બીસીસીઆઈએ એક નિયમ બનાવ્યો છે કે, દરેક ટીમે તેમની ૨૦ ઓવર ૯૦ મિનિટમાં પૂર્ણ કરવાની રહેશે. પહેલા નિયમ હતો કે, ૨૦ મી ઓવર ૯૦ મિનિટમાં શરૂ થવી જોઈએ, પરંતુ હવે દોઢ કલાકની અંદર સુનિશ્ચિત ૨૦ ઓવર પૂરી કરવી પડશે. ૯૦ મિનિટમાં, ટીમોને અઢી અઢી મિનિટમાં બે ટાઇમ આઉટ મળશે. એટલે કે, ટીમોએ ૮૫ મિનિટમાં કુલ ૨૦ ઓવર રમવાની રહેશે. આ પ્રમાણે, દરેક ટીમે એક કલાકમાં ૧૪.૧૧ ઓવર રમવી પડશે. બીજી તરફ, હાર બાદ ધોનીએ કહ્યું છે કે, દિલ્હીની કેપિટલ્સ સામે આઈપીએલની પહેલી મેચમાં નબળા પ્રદર્શન બાદ તેના બોલરોએ ભૂલોમાંથી શીખવું પડશે. ધોનીએ કહ્યું, 'અમે વધુ સારી બોલિંગ કરી શક્યા હોત. બોલરો અપેક્ષા મુજબ પ્રદર્શન કરી શક્યા ન હતા અને ખૂબ નબળા બોલ ફેંક્યા હતા. તેઓએ એક પાઠ લીધો છે અને તેઓ ભવિષ્યમાં વધુ સારું પ્રદર્શન કરશે. નોંધનીય છે કે, શિખર ધવન (૮૫) અને પૃથ્વી શોની અડધી સદી (૭૨)ની મદદથી દિલ્હી કેપિટલ્સે આઈપીએલ-૧૪માં ચેન્નાઈ સુપરકિંગ્સ સામે ૭ વિકેટે વિજય મેળવ્યો છે. ચેન્નાઈએ ૨૦ ઓવરમાં ૭ વિકેટે ૧૮૮ રન બનાવ્યા હતા. જવાબમાં દિલ્હીએ ૧૮.૪ ઓવરમાં ૩ વિકેટે ૧૯૦ રન બનાવી લીધા છે.

(8:15 pm IST)
  • SII ના આદર પૂનાવાલાના કોરોના રસી ઉત્પાદન ના નિવેદન અંગે એમ્સના ડાયરેક્ટર ડો. રણદીપ ગુલેરિયાએ જવાબ આપતા કહ્યું કે એન્ટી-કોરોના રસી માટેના પુરવઠા વિશે જાણકારી રાખવી એ કોઈ 'રોકેટ સાયન્સ' નથી કે તમારે તેના ઉત્પાદન માટે રાહ જોવી જોઈએ. તેમણે કહ્યું કે રસી નિર્માતાને ઉત્પાદન વિશેની તમામ જાણકારી હોવી જોઈએ. ઉત્પાદકોને ફક્ત ભારત જ નહીં, પરંતુ બાકીના વિશ્વને પણ સપ્લાય (જરૂરિયાત) વિશે જાગૃત હોવું જોઈએ. એમ કહેવા માટે કે તેઓ હવે ઉત્પાદન શરૂ કરશે, તે આશ્ચર્યજનક છે. access_time 11:48 pm IST

  • પરિમલ નથવાણી અલગ મિજાજમાં: રિલાયન્સ ઇન્ડસ્ટ્રીઝના કોર્પોરેટ ડાયરેક્ટર અને આંધ્રના રાજ્યસભાના સભ્ય શ્રી પરિમલભાઈ નથવાણી નવરાશની પળોમાં એક અલગ જ મિજાજમાં નજરે પડે છે.. રવિવાર સવારનો સમય તેમણે શરીરની ચુસ્તી-સ્ફુર્તિ જાળવવામાં પસાર કર્યો હતો. access_time 10:37 pm IST

  • દેશમાં કોરોનાના કેસમાં ભયાનક ઉછાળો : અત્યાર સુધીના તમામ રેકોર્ડ તૂટ્યા : રાત્રે 12 વાગ્યા સુધીમાં કોરોનાના નવા 1,52,419 કેસ નોંધાયા :કુલ કેસની સંખ્યા 1,33,55,319 :એક્ટિવ કેસ 11,02,316 થયા વધુ 90,237 દર્દીઓ સ્વસ્થ થતા કુલ 1,20,78,242 થયા :વધુ 837 લોકોના મોત સાથે કુલ મૃત્યુઆંક 1,69,304 થયા: દેશમાં સૌથી વધુ મહારાષ્ટ્રમાં નવા 55,411 નવા કેસ નોંધાયા : છત્તીસગઢમાં 14,098 કેસ જયારે ઉત્તર પ્રદેશમાં 12,748 કેસ નોંધાયા access_time 1:03 am IST