Gujarati News

પાંચ વર્લ્ડ કપ રમીને ત્રણ જીતી ચૂકેલા રિકી પોન્ટિંગની ઓસ્ટ્રેલિયાની ટીમના અસિસ્ટન્ટ કોચ તરીકેની નિયુકિત બોલિંગકોચ ડેવિડ સાકરના રાજીનામાના એક દિવસ બાદ જ કરવામાં આવી છે. ઓસ્ટ્રેલિયન ક્રિકેટ બોર્ડે કહ્યું હતું કે પોન્ટિંગ વન-ડે બેટ્સમેનો પર ધ્યાન આપશે. વર્તમાન બેટિંગ કોચ ગ્રીમ હિક એશિઝની તૈયારીમાં વ્યસ્ત છે.

ચીફ કોચ જસ્ટિન લેન્ગરે કહ્યું હતું કે પોન્ટિંગ માત્ર બેટ્સમેનોને જ નહીં, સમગ્ર ટીમને માર્ગદર્શન આપશે. અમે સાથે મળીને વર્લ્ડ કપ જીતવાનો પ્રયાસ કરીશું. તેને રમતની ઊંડી સમજ છે. તેને ખબર છે કે અમુક સ્તરે કેવું પ્રદર્શન કરવાનું છે.(૩૭.૭)