Gujarati News

આશરે બે વર્ષ પછી જિમ્નાસ્ટિકમાં કમબેક કરી રહેલી ભારતની દીપા કર્માકરે એફઆઈજી આર્ટિસ્ટિક જિમ્નાસ્ટિક વર્લ્ડ ચેલેન્જ કપમાં ગોલ્ડ મેડલ જીત્યો છે. દીપાએ રવિવારે તુર્કીના મર્સિન શહેરમાં આયોજીત આ ટૂર્નામેન્ટના વોલ્ટ ઈવેન્ટમાં ગોલ્ડ મેડલ મેળવ્યું હતું
   ત્રિપુરાની 24 વર્ષીય આ જિમ્નાસ્ટ 2016 રિયો ઓલિમ્પિકના વોલ્ટ ઈવેન્ટમાં ચોથા સ્થાન પર રહી હતી. રવિવારે તેણે 14.150 અંક સાથે ગોલ્ડ મેડલ જીત્યો હતો. ક્વોલિફિકેશન રાઉન્ડમાં પણ તેણે 13.400 અંક સાથે ટોપ કર્યું હતું. આ વર્લ્ડ ચેલેન્જ કપમાં દીપાનો પહેલો ગોલ્ડ મેડલ છે.