Gujarati News

Gujarati News

News of Monday, 8th March 2021

ભારતની જીત અને ક્રિકેટર રિદ્ધિમાન સાહાના દિકરા અનાયના જન્‍મદિનની અમદાવાદમાં ઉજવણીઃ વિરાટ કોહલી અને અનુષ્‍કા શર્મા પણ હાજર રહ્યા

અમદાવાદ: વિશ્વના સૌથી મોટા નરેન્દ્ર મોદી સ્ટેડિયમમાં ચોથી ટેસ્ટમાં જીત મેળવીને  ટીમ ઇન્ડિાય ઇંગ્લેન્ડ સામેની ટેસ્ટ સીરિઝ 3-1થી જીતી લીધી છે. આ સાથે જ ટીમ ICC ટેસ્ટ ચેમ્પિયનશીપની ફાઇનલમાં પહોંચી છે. ભારતની જીત અને ક્રિકેટર રિદ્ધિમાન સાહાના દીકરા અન્વયના પ્રથમ બર્થ ડે પ્રસંગે ભારતીય ખેલાડીઓએ હોટલમાં કેક કાપીને ઉજવણી કરી હતી. આ દરમિયાન કેપ્ટન વિરાટ કોહલી અને અનુષ્કા શર્મા પણ જોવા મળી હતી. જેની તસ્વીરો હવે ખુબ જ વાયરલ થઇ રહી છે.

અમદાવાદના મોદી સ્ટેડિયમમાં ટેસ્ટ સીરીઝમાં જીત તથા રિદ્ધિમાન સાહાના પુત્ર અન્વયનો જન્મ દિવસ હોવાના કારણે ભારતીય ટીમ દ્વારા હોટલમાં જ ધમાકેદાર ઉજવણી કરવામાં આવી છે. રિદ્ધિમાન સાહા તેની પત્ની રોમી મિત્રાએ સ્પેશિયલ ચોકલેટ કેક બનાવડાવી હતી. ટીમના તમામ મેમ્બર ભેગા મળી બર્થ ડેની ઉજવણી કરી હતી. ભારતીય ટીમના સેલિબ્રેશન માટે હોટલ દ્વારા જ કેક તૈયાર કરાવાઇ હતી.

હાલમાં ભારત અને ઇંગ્લેન્ડની ટીમના ખેલાડીઓ અમદાવાદની એક હોટલમાં રોકાયા છે. ભારતીય ટીમની સાથે તેમનો પરિવાર પણ હોટલમાં રહે છે. જો કે ખેલાડીઓ અને તેમનો પરિવાર હોટેલની બહાર જઇ શકે તેમ નથી. અમદાવાદમાં હવે પાંચ ટી-20 સીરિઝનું 12 માર્ચથી આયોજન થવા જઇ રહ્યું છે. ટી-20 સીરિઝને કારણે ટીમ ઇન્ડિયા આતુરતાથી રાહ જોઇ રહી છે.

ઇંગ્લેન્ડના ખેલાડી જોસ બટલરે પણ ગુજરાતી ભોજનનો સ્વાદ દાઢે વળગ્યો છે. ક્રિકેટરે નોર્થ ઇન્ડિયન ફૂડ મંગાવીને ખાધુ હતું. જેનો સ્વાદ તેને દાઢે વળગ્યો છે. બટલરે ભારતીય વેજ કરીના ખુબ જ વખાણ કર્યા હતા. તેની તસ્વીર સોશિયલ મીડિયા પર શેર કરી હતી. અત્રે ઉલ્લેખનીય છે કે, સામાન્ય રીતે ઇંગ્લેન્ડના ખેલાડીઓ ભારતનું ચટાકેદાર ભોજન ઓછું જ પસંદ કરતા હોય છે.

(5:29 pm IST)
  • અખિલ ભારતીય સાધુ સમાજના સદસ્ય, કચ્છ સાધુ સમાજના અધ્યક્ષ અને નાથ સંપ્રદાય સાથે જોડાયેલ કચ્છના યોગી શ્રી પૂજ્ય દેવનાથ યોગીજી એ આજે કોરોના રસી નો પ્રથમ ડોઝ લીધો access_time 8:45 pm IST

  • મુંબઈ શહેરમાં આજે કોરોના ઇન્ફેક્શનના નવા 1,008 કેસ નોંધાયા છે, પરંતુ વાસ્તવિક ચિંતાના સમાચાર ધારાવી તરફથી આવી રહ્યા છે : આજે ધારાવી ઝૂંપડપટ્ટી વિસ્તારમાં 18 પોઝિટિવ કેસ નોંધાયા છે : છેલ્લે 23 ઓક્ટોબર, 2020 ના રોજ ચાર મહિના પહેલા આ વિસ્તારમાં 18 કેસ નોંધાયા હતા.(ન્યૂઝફર્સ્ટ) access_time 10:27 pm IST

  • સંઘ પ્રદેશના દમણમાં આજે રવિવારે એકી સાથે 9 જેટલા કોરોનાનાં પોઝિટિવ કેસ સામે આવતા આરોગ્ય વિભાગ દોડતું થયું access_time 11:31 pm IST