Gujarati News

Gujarati News

News of Thursday, 7th June 2018

દુનિયાના સૌથી વધારે કમાણી કરનાર ખેલાડીઓની યાદીમાં વિરાટ કોહલીનો સમાવેશ

નવી દિલ્હી: ફોર્બ્સે દુનિયાના સૌથી વધારે કમાણી કરનાર ખેલાડીઓની યાદી રજુ કરી છે. જેમાં ભારતીય ટીમના કેપ્ટન વિરાટ કોહલી એકમાત્ર ભારતીય છે જેનુ નામ દુનિયાના ટોપ-૧૦૦ ખેલાડીઓમાં સામેલ છે. 

આ યાદીમાં કોહલી ૮૩માં ક્રમાંકે છે. આશ્ચર્યની વાત એ છે કે આ યાદીમાં એકપણ મહિલાને સ્થાન મળ્યુ નથી. ૨૯ વર્ષના કોહલીને ફોર્બ્સ લિસ્ટ ધ વર્લ્ડ હાઈએસ્ટ પેડ એથલીટ્સ અનુસાર કુલ ૨૪ મિલિયન ડોલર મળ્યા છે. આમાં ચાર મિલિયન ડોલર સેલેરી અને ૨૦ મિલિયન ડોલર એન્ડોર્સમેન્ટના રુપમાં મળ્યા હોવાનુ દર્શાવાયુ છે. 
વર્ષ ૨૦૧૭માં આવેલ યાદીમાં રોનાલ્ડો આ મામલે પ્રથમ ક્રમાંક પર હતો, જ્યારે ભારતીય કેપ્ટન ૮૯માં સ્થાન પર હતો. વર્ષ ૨૦૧૭માં કોહલીની કુલ કમાણી ૨૨ મિલિયન હતી. જેમાં ત્રણ મિલિયન ડોલર સેલેરી અને ૧૯ મિલિયન ડોલર એન્ડોર્સમેન્ટના રુપમાં મળ્યા હતા. બોક્સિંગ ચેમ્પ ફ્લોઈડ મેવેદર સૌથી અમિર ખેલાડીઓની યાદીમાં ટોપ પર છે. સાત વર્ષમાં ચોથી વખત સૌથી અમિર ખેલાડી બનેલ મેવેદરે કોનરર મેકગ્રેગર વિરુદ્ધ મેચમાં ૨૭૫ મિલિયન ડોલરની કમાણી કરી. આ સાથે જ મેવેદરે રોનાલ્ડો પાસેથી નંબર વનની ખુરશી છીનવી લીધી છે. રોનાલ્ડો છેલ્લા બે વર્ષથી સૌથી અમિર ખેલાડીઓમાં પ્રથમ ક્રમાંકે હતો. જ્યારે બીજા નંબરે આર્જેન્ટીનાના સ્ટાર ફુટબોલર લિયોનલ મેસ્સીનુ નામ આવે છે. મેસ્સીએ ચાલુ વર્ષે ૧૧૧ મિલિયન ડોલરની કમાણી કરી છે. તો ૧૦૮ મિલિયન ડોલરની કમાણી સાથે રોનાલ્ડો આ યાદીમાં ત્રીજા ક્રમાંકે રહ્યો છે.

(4:03 pm IST)
  • ડોનાલ્ડ ટ્રમ્પએ કહ્યું કિમ જોંગ ઉન સાથેની બેઠક માત્ર તસવીરો ખેંચાવવા માટે નથી પરંતુ તેનાથી વિશેષ છે :આ ઐતિહાસિક બેઠક માટે પર્યટક રિસોર્ટ દ્વીપ સેન્ટોસાને સ્થળ તરીકે પસંદગી કરાઈ છે ;એવું મનાય છે કે આ બેઠકના કવરેજ માટે વિશ્વભરના 2500 પત્રકારો આવશે access_time 1:17 am IST

  • પેટ્રોલ -ડીઝલના ભાવમાં વણથંભ્યો ઘટાડો ચાલુ ;કાલે ગુરુવારે પેટ્રોલ ડીઝલમાં સતત નવમા દિવસે ભાવ ઘટશે:બુધવારે પેટ્રોલ -ડીઝલમાં લીટરે 8થી 10 પૈસાનો વધુ ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,91 રૂપિયા અને ડીઝલનો ભાવ લિટરે 73,86 રૂપિયા થશે :રાજ્ય પ્રમાણે કરવેરા અલગ થશે:છેલ્લા આઠ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:21 am IST

  • ગૃહમંત્રી રાજનાથસિંહના આજથી શરૂ થયેલ બે દિવસીય જમ્મુ-કાશ્મીર પ્રવાસ દરમિયાન કુપવારામાં પેટ્રોલીંગ પાર્ટી ઉપર આતંકી હુમલોઃ ૨ જવાન ઘાયલ access_time 12:34 pm IST