Gujarati News

નવી દિલ્હી: હરિયાણાના મુખ્યમંત્રી મનોહર લાલ ખટ્ટરે ગુરુવારે કુશ્તીબાજ રવિ કુમાર દહિયાને ચાલી રહેલી ટોક્યો ઓલિમ્પિકમાં પુરુષોની 57 કિલોગ્રામ ફ્રી સ્ટાઇલ કુસ્તીમાં સિલ્વર મેડલ જીતવા બદલ અભિનંદન આપ્યા હતા. રવિ કુમારે ગુરુવારે ફાઇનલમાં રશિયન ઓલિમ્પિક કમિટી (આરઓસી) ના જાવુર ઉગ્યુવ સામે 4-7થી હાર્યા બાદ સિલ્વર મેડલ જીત્યો હતો. ટેલિવિઝન પર મેચ જોનાર ખટ્ટરે રાજ્યની નીતિ મુજબ કુસ્તીબાજને પ્રથમ વર્ગની સરકારી નોકરી સાથે 4 કરોડ રૂપિયાના ઈનામની જાહેરાત કરી હતી. તેમણે કહ્યું કે રવિ કુમારના વતન સોનીપત જિલ્લાના નહારી ગામમાં ઇન્ડોર કુસ્તી સ્ટેડિયમ બનાવવામાં આવશે. ખટ્ટરે એમ પણ કહ્યું કે દહિયાએ માત્ર હરિયાણાનું જ દિલ જીતી લીધું નથી, પરંતુ સમગ્ર રાષ્ટ્ર તેની સિદ્ધિથી ખુશ છે.