Gujarati News

શારજાહ: વેસ્ટ ઈન્ડિઝનો ઑલરાઉન્ડર ડ્વેન બ્રાવો પોતાની બોલિંગ અને બેટિંગ કરતા સેલિબ્રેશનની સ્ટાઈલને કારણે વધુ જાણીતો છે. તે જ્યારે પણ વિકેટ ઝડપે અથવા કેચ કરે ત્યારે આગવા અંદાજમાં ડાન્સ કરીને ઉજવણી કરે છે. હવે તે ફરી એકવાર પોતાની નવી ડાન્સિંગ સ્ટાઈલને કારણે ચર્ચામાં આવ્યો છે. UAEમાં રમાઈ રહેલી ટી-10 ક્રિકેટ લીગમાં બ્રાવો મરાઠા અરેબિયન્સ તરફથી રમી રહ્યો છે. તેણે વિકેટ લીધા બાદ એ રીતે ડાન્સ કર્યો કે, આઉટ થનારો બેટ્સમેન પણ હસવું રોકી શક્યો નહીં

.બંગાલ ટાઈગર્સ વિરુદ્ધ એલિમિનેટર મેચ દરમિયાન બ્રાવોએ પોતાની જ બોલિંગમાં મોહમ્મદ નબીનો કેચ પકડ્યો. આ દરમિયાન બ્રાવોએ ચિકન ડાન્સ કર્યો જેને જોઈને સાથી ખેલાડીઓ, કૉમેન્ટેટર્સ, પ્રેક્ષકો અને ખુદ આઉટ થનારો બેટ્સમેન પણ હસવા લાગ્યા. આ વીડિયો સોશિયલ મીડિયા પર ખૂબ વાયરલ થઈ રહ્યો છે.

  સામાન્યપણે ખેલાડીઓ વિકેટ લીધા પછી સેલિબ્રેશન કરતા હોય છે પણ DJ બ્રાવો રાહ ન જોઈ શક્યો અને બેટ્સમેન ફટકારેલો બોલ જેવો હવામાં ઉછળ્યો તેની સાથે જ બ્રાવોએ સેલિબ્રેશન કરવા લાગ્યો. ચિકન ડાન્સની પહેલા પણ બ્રાવો અવનવી ડાન્સિંગ સ્ટાઈલની કારણે પોપ્યુલર રહ્યો છે.