Gujarati News

ટેનિસ ખેલાડી સાનિયા મિર્ઝાએ હાલમાં જ દીકરાને જન્મ આપ્યો છે. તેના પતિ અને પાકિસ્તાની ક્રિકેટર શોએબ મલિકે સોશિયલ મીડિયા પર ટ્વીટ દ્વારા પિતા બનવાની જાણકારી શેર કરી હતી. હવે સોશિયલ મીડિયા પર શાનિયા મિર્ઝાના દીકરાની તસવીર વાઈરલ થઈ રહી છે.

દીકરા સાથેની તસવીર વાઈરલ

તસવીરમાં સાનિયા પોતાના દીકરા સાથે જોવા મળી રહી છે. તેણે પોતાના દીકરાને ખોળામાં તેડ્યો છે. આ તસવીર હોસ્પિટલની છે. સાનિયા દીકરાને લઈને ઘરે જઈ રહી છે. જણાવી દઈએ કે સાનિયા પોતાના દીકરાનું નામ ઈઝાન મિર્ઝા મલિક રાખ્યું છે.

દીકરાને માને છે ભગવાનની ગિફ્ટ

સાનિયા અને શોએબનું માનવું છે કે પહેલું નામ ભગવાનની ગિફ્ટ હોય છે અને તેમના માટે તેમનો દીકરો પણ ભગવાનની ગિફ્ટ સમાન છે.

શોએબે ટ્વીટ કરી આપી હતી ખુશખબર

પિતા બનેલા શોએબ મલિકે ટ્વીટ કરતા આ વાતની જાહેરાત કરી હતી. તેણે લખ્યું હતું કે, ખૂબ જ ઉત્સુક્તા સાથે જણાવી રહ્યો છું કે દીકરો થયો છે. મારી ગર્લ સાનિયા એકદમ સ્ટ્રોન્ગ છે. જાણકારી મુજબ સાનિયા ઈચ્છતી હતી કે ડિલીવરી બાદ તે જલ્દી જ ટેનિસ કોર્ટમાં કમબેક કરે. તેણે કહ્યું કે તે 2020 ટોક્યો ઓલિમ્પિક્સમાં રમવાનું પ્લાનિંગ કરી રહી છે.

2010માં થયા બંનેના લગ્ન

ઉલ્લેખનીય છે કે વર્ષ 2009માં સાનિયાએ પોતાના બાળપણના મિત્ર સોહરાબ મિર્ઝા સાથે સગાઈ કરી હતી. જોકે બંનેના લગ્ન ન થયા અને પછી 2010માં સાનિયાએ પાકિસ્તાની ક્રિકેટર શોએબ મલિક સાથે લગ્ન કરી લીધા. સાનિયા અને શોએબે ટેનિસ ખેલાડીના પ્રેગ્નેટ થવાની જાણકારી 23 એપ્રિલ 2018માં સોશિયલ મીડિયા પર શેર કરી હતી.