Gujarati News

નવી દિલ્હી : ભારત અને બંગલા દેશ વચ્ચે રમાનારી ડે એન્ડ નાઇટ ટેસ્ટ મેચનાં છેલ્લા કેટલાક દિવસોથી ભારોભાર વખાણ થઈ રહ્યાં છે અને હવે ક્રિકેટના ગોડ મનાતા સચિન તેન્ડુલકરે પણ આ પગલાને શ્રેષ્ઠ ગણાવીને એનાં વખાણ કર્યાં છે. જોકે આ વખાણ વચ્ચે તેણે વાતાવરણમાં રહેલા ભેજને એકમાત્ર ચિંતાનું કારણ ગણાવ્યું છે.

આ બાબતે પોતાના વિચાર વ્યકત કરતાં તેન્ડુલકરે કહ્યું હતું કે દર્શકોને આ પારંપરિક ગેમ તરફ વાળવાનો પ્રયાસ સારો છે. જયાં સુધી ધુમ્મસની વાત છે તો એ એવું કારણ એ છે કે એ બન્ને ટીમને હેરાન કરી શકે છે, પણ જો વાતાવરણમાં ભેજ નહીં હોય તો કોમ્પિટિશન તગડી હશે. મેચ પહેલાં એ વાતની ગણતરી કરવી સારી રહેશે કે ૨૨ નવેમ્બરની આસપાસ વાતાવરણમાં કેટલો ભેજ હશે, કેમ કે જો એક વાર બોલ ભીનો થઈ ગયો તો સીમર્સ અને સ્પિર્સ કંઈ નહીં કરી શકે.