Gujarati News

Gujarati News

News of Friday, 1st June 2018

ટી-૨૦ લીગ બાદ ક્રિકેટમાં વધી ફિકસીંગની ઘટનાઓ : ICC

આઈસીસીના સીઈઓ ડેવિડ રિચર્ડસને કહ્યું કે અલ જઝીરા ચેનલે સ્ટિન્ગ - ઓપરેશન દ્વારા કરેલા સ્પોટ ફિકસીંગ અને પિચ ફિકસીંગના આરોપોની અવગણના કરવામાં નહિં આવે

સમગ્ર દુનિયામાં ઝડપથી વધતી જતી ટી-૨૦ લીગ ક્રિકેટમાં ફિકસીંગની મહત્વનું કારણ છે. આવી ક્રિકેટ લીગમાં ફિકસીંગની વધુ શકયતા છે. આ વાત આઈસીસીના સીઈઓ (ચીફ એકિઝકયુટીવ ઓફીસર) ડેવિડ રીચર્ડસને લંડનમાં પત્રકારો સાથે વાતચીત દરમિયાન કરી હતી. તેમણે કહ્યું હતુ જે લોકો મેચ ફિકસીંગ કરવા માગતા હોય એવા લોકોને આ લીગ વધારાની તક આપે છે. અમે એટલી વાત પાકી કરવા માગીએ છીએ કે ટીવી પર આવનારી ટી-૨૦ ડોમેસ્ટીક ટુર્નામેન્ટ પર નજર રાખવામાં આવશે. ક્રિકેટને ફિકસીંગથી દૂર રાખવા માટે અમારે ખેલાડીઓ અને ફ્રેન્ચાઈઝીના માલિકો પર નજર રાખવાની જરૂર છે. તાજેતરમાં અલ જઝીરા ચેનલની એક ડોકયુમેન્ટરીમાં ભારત - ઓસ્ટ્રેલિયા અને ભારત - ઈંગ્લેન્ડની ટેસ્ટ - મેચો દરમિયાન ફિકસીંગનો દાવો કરવામાં આવ્યો હતો. આઈસીસી હાલ ફિકસીંગ સાથે સંડોવાયેલા તમામ આરોપોના પુરાવાઓ ભેગા કરવા માગે છે. આઈસીસી ચેનલની ડોકયુમેન્ટરી સાથે સંકળાયેલા તમામ ફુટેજને પણ જોવા માગે છે. રિચર્ડસને કહ્યુ હતું કે અમે બહુ જલદી અલ જઝીરા ચેનલના અધિકારીઓને મળીને તપાસ શરૂ કરવા માગીએ છીએ. જો લીગમાં આ પ્રકારના ફિકસીંગ પર રોક લગાવવામાં ન આવી તો ભવિષ્યમાં એવી સ્થિતિ પણ આવી શકે છે કે આઈસીસી દ્વારા બનાવાયેલા એન્ટી કરપ્શન યુનિટની મદદ વગર રમાનારી નોન મેમ્બર સભ્યોની મેચના આયોજનને મંજૂરી જ નહિં આપવામાં આવે.

(4:41 pm IST)
  • બ્લેકમનીની માહિતી આપનારને મળશે 5 કરોડ સુધીનું ઇનામ : કેસમાં 1 ટકાનું રીવોર્ડ મળશે : વિગત આપનારનું નામ ગુપ્ત રાખવા કોડ અપાશે : ઇન્કમટેક્સ ડિપાર્ટમેન્ટે નવી સ્કીમ લાગુ કરી છે જેમાં કાળું નાણુંની માહિતી આપનારને ઇનામ મળશે : સીબીડીટીએ આઇટી ઈન્ફોરમેશન રીવોર્ડસ સ્કીમ જાહેર કરી છે બ્લેકમની અંગે માહિતી આપનારને 5 કરોડ સુધીનું ઈનામ મળશે ફોરેન બ્લેક મની કેસમાં 1 ટકાનું રીવોર્ડ મળશે અને આ અંગેની માહિતી આપનારની વિગત ગુપ્ત રાખવા કોડ અપાશે access_time 1:04 pm IST

  • જાપાને વૈજ્ઞાનિક સંશોધનના બહાને મિંક પ્રજાતિની 122 વ્હેલનો શિકાર કર્યો: જાપાનની સરકારના આંતરરાષ્ટ્રીય રિપોર્ટ મુજબ પ્રતિબંધ હોવા છતા ઉનાળામાં 333 વ્હેલ માછલીઓને મારી નાંખી: આતંરરાષ્ટ્રીય વ્હેલિંગ આયોગ મુજબ રિસર્ચના નામે વ્હેલને તેમના મીટ માટે મારવામાં આવે છે. જાપાને 1985માં આઈડબ્લ્યુ સાથે કરાર કર્યો હતો કે વ્હેલને નહી મારે access_time 1:27 am IST

  • બે નંબરનો ધંધો કરવો હોય તો સોનાનો કરો કારણ એક તેમાં પકડાઈ જવા પર જમીન મળી શકે છે :રાજસ્થાનના વિલારાના ધારાસભ્ય અર્જૂનલાલ ગર્ગે દેવાસી સમાજના કાર્યક્રમમાં કહ્યું કે બન્ને ચીજની કિંમત સરખી છે પરંતુ ડ્રગની તુલનાએ સોનામાં વેપાર કરવો સુરક્ષિત છે access_time 1:33 am IST