Gujarati News

નવી દિલ્હી: 1975 ની વર્લ્ડ કપ વિજેતા ભારતીય હોકી ટીમના સભ્ય અને અજર્ન એવોર્ડથી સન્માનિત માઇકલ કિન્ડોનું ગુરુવારે સિમડેગામાં અવસાન થયું. રાઉરકેલાની ઇસ્પાટ જનરલ હોસ્પિટલમાં તેમણે અંતિમ શ્વાસ લીધા. તે 73 વર્ષના હતા. તેમના મૃત્યુ સાથે હોકીની દુનિયામાં શોકનું મોજુ ફરી વળ્યું છે.

માઇકલ એ ભારતીય ટીમનો સભ્ય હતો જેણે 1975 ના વર્લ્ડ કપમાં ગોલ્ડ મેડલ જીત્યો હતો અને 1972 ના ઓલિમ્પિકમાં બ્રોન્ઝ મેડલ મેળવ્યો હતો. આ સિવાય એશિયન ગેમ્સ અને કોમનવેલ્થ ગેમ્સમાં ભાગ લઈ તેણે આંતરરાષ્ટ્રીય નામ કમાવ્યું હતું. કિન્ડોનો જન્મ સિમડેગા જિલ્લાના કુડરગ બ્લોકના બૈધમા ગામમાં થયો હતો. તેણે સેનામાં સેવા આપી અને અહીંથી હોકી રમવાનું શરૂ કર્યું. કિન્ડો આર્મીમાંથી નિવૃત્ત થયા પછી સ્ટીલ ઓથોરિટી ઓફ ઇન્ડિયા લિમિટેડ રાઉરકેલા ખાતે તાલીમ લઈ રહ્યો હતો અને અહીં સ્થાયી થયો હતો.