Gujarati News

મોરબી: રોડ ન થવાના કારણે વિસ્તારમાં પુષ્કળ પાણી ભરાવવાથી લોકો મુશ્કેલી માં તેમજ ખુબજ હાલાકી ભોગવી રહ્યા છે. જેથી લતાવાસીઓ પહોંચ્યા નગરપાલિકા માં ચીફ ઓફિસર પાસે જઈને કરી રજૂઆત.

મોરબીના ભીમરાવનગ- 3 શેરીમાં વરસાદના પાણી ઘરમાં ભરાઇ ગયેલ છે. આ ઘટનાનો મુખ્ય કારણ મુખ્યમાર્ગ અને આજુ બાજુની શેરીમાં રોડ બનાવેલ છે. જ્યારે આ શેરીની અંગત રીતે વિકાસ ન થવા દેવાના કારણે રોડ કરવામાં આવેલ નથી. આ વિસ્તારના લોકો પાસેથી રોડ બનાવવા ની સહી પણ લઇ જવામાં આવી છે. તો તંત્રના ખાતામાં ચોપડે આ શેરી નો રોડ બની ગયેલ હોય તો તાત્કાલિક તપાસ કરાવી ન્યાય આપવા રજૂઆત કરવામાં આવી છે. કેમ કે શેરીમાં રોડ ના કામ ન થવાથી શેરીના લોકો ગંભીર સ્થિતિમાં મુકાઈ ગયેલ છે. અને ભરાયેલા પાણી તાત્કાલિક નિકાલ કરવા માટે લતાવાસીઓ દ્વારા ચીફ ઓફિસર અને નગરપાલિકા પ્રમુખ ને રજુઆત કરવામાં આવી છે.