Gujarati News

Gujarati News

News of Friday, 30th October 2020

રાજાપાઠમાં મિત્રોને નપુસંક કહેતા ત્રણ મિત્રોએ સાથે મળીને ચોથાને પતાવી દીધો

ભુજમાં માળીની હત્યાનો ભેદ ઉકેલાયો, ત્રણે હત્યારા મિત્રોની ધરપકડ

 ભુજ,તા.૩૦ : ગત ૨૦ મી તારીખે ભુજના નવી રાવલવાડી વિસ્તારના પાર્ટી પ્લોટમાંથી શિવા માતોપ્રસાદ દ્વિવેદી નામના યુવાન માળીની હત્યાનો ભેદ ભુજ એલસીબી અને એ ડિવિઝન પોલીસે ઉકેલી ત્રણ આરોપીઓને રાજસ્થાનથી ઝડપી પાડ્યા છે. મૃતક માળી શિવાને તેના પાર્ટી પ્લોટના માલિકે ઠપકો આપ્યો હોઈ શિવો તેના માલિકના પુત્રનું અપહરણ કરવા ઇચ્છતો હતો. આ બાબતે તેણે પોતાના ત્રણ અન્ય મિત્રોને વાત કરી હતી અને રાત્રે ખાવાપીવાની પાર્ટી કરી હતી. દરમ્યાન ત્રણ મિત્રોએ આ બાબતેના પડતાં શિવાએ તેમને નપુંસક કહેતા રાજાપાઠમાં વાત વણસી હતી. વીફરેલ ત્રણ મિત્રો નિરવ અશોક સોની, ચેતન ખીમજી દવે અને અનિલ ધનજી બીજલાણીએ પાવડાના હાથા અને પટ્ટા વડે શિવાને માર મારી તેની હત્યા કરી હતી. હત્યા બાદ સિરોહી રાજસ્થાન નાસી છુટેલા ત્રણેય આરોપીઓને પોલીસે ઝડપી લીધા છે.

(11:34 am IST)
  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST