Gujarati News

Gujarati News

News of Tuesday, 29th September 2020

કોટડાસાંગાણીના ભાડવા ગામની સીમમાં વીજશોક લાગતા માસુમ ભાઈ-બહેનના મોત : પ્રાંતીય મજુરના પરીવારમાં શોક

ઓરડીમાં પ્રવેશવા માટે લોખંડની જાળી ખોલવા જતા વીજ શોક લાગતા બંને ત્યાંજ ઢળી પડયા

કોટડાસાંગાણીના ભાડવા ગામની સીમમા વીજશોક લાગતા સગાભાઈ બહેનના મોત થતા પર પ્રાંતીય મજુરના પરીવારમાં શોકની લાગણી ફેલાઈ છે.

આ અંગે મળતી વિગત મુજબ તાલુકાના ભાડવા ગામે ધીરજલાલ કાંતીલાલ રૂપાપરાની વાડીમાં ત્રણ વર્ષથી કામ કરતા દાહોદ પંથકના રાજેશભાઈ ગણાવાના બે સંતાનોને વીજશોક લાગતા તેમનુ ઘટના સ્થળે જ મોત નીપજતા પરીવાર પર આભ ફટી પડયુ છે.ભાડવાની સીમમા ધીરજલાલની વાડીમા કામ કરતા રાજેશ ગણાવા તેમના પરીવાર સાથે અહી દાહોદ પંથકથી પેટીયુ રળવા આવ્યા હતા.

રાજેશભાઈ ગણાવા તેમના સાસુ રમતીબેન અને તેની પત્ની કાળીબેન અને મોટી પુત્રી સવારના સમયે વાડીમા મરચા ઉતારવા ગયા હતા. ત્યારે તેમનો દસ વર્ષીય પુત્ર અજીત અને આઠ વર્ષીય પુત્રી ક્રિશ્ના ઓરડી પાસે રમતા હતા તે દરમિયાન ઓરડીમાં પ્રવેશવા માટે લોખંડનો દરવાજો (લોખંડની જાળી)ખોલવા જતા તેમને વીજ શોક લાગતા બંને ત્યાંજ ઢળી પડયા હતા અને મોત નિપજયા હતા.

લોખડની જાળી જે જાળીને અટકવાથી શોક લાગ્યો હતો તે જાળી પરથી જ વીજવાયર પસાર કરવામાં આવ્યો છે અને તેને કારણે શોક લાગ્યો હોવાનું અનુમાન કરવામાં આવી રહ્યું છે.

(9:47 am IST)
  • IPLમાં કુલ ૩૪૯૮ રન બન્યા : ૧૫૩ છગ્ગાઓ લાગ્યા : ૨૨૨ રન સાથે લોકેશ રાહુલ ટોચ ઉપર : ગઈકાલ સુધી આઈપીએલમાં ૧૦ મેચ રમાયા : ૨૩૭૯ બોલ ફેંકાયા : જેમાંથી ૩૪૯૮ રન બન્યા : ૧૨૧ વિકેટો પડી : ૧૫૩ છગ્ગાઓ, ૨૭૧ ચોગ્ગા લાગ્યા : ૨૩ ફીફટી અને ૨ સદી બની : ૨૨૨ રન સાથે લોકેશ રાહુલ ટોચના સ્થાને છે access_time 3:11 pm IST

  • બિહારમાં ગઠબંધનનો દોર શરૂ :પપ્પુ યાદવની જન અધિકારી પાર્ટી, ચંન્દ્રશેખર આઝાદની આઝાદ સમાજ પાર્ટી, બીએમપી અને સોશિયલ ડેમોક્રેટિક પાર્ટી ઓફ ઈન્ડિયાએ સાથે મળીને પીડીએ( પ્રોગ્રેસિવ ડેમોક્રેટિક અલાયંસ) બનાવ્યુ: રાલોસપાના અધ્યક્ષ ઉપેન્દ્ર કુશવાહ સાથે વાતચીત ચાલુ: લોજપા અને કોંગ્રેસને પણ ગઠબંધનમાં સામેલ થવા કહેણ : પપ્પુ યાદવે કહ્યું રાજ્યમાં ચાલી રહેલા 30 વર્ષનું મહાપાપ હવે ખતમ થશે access_time 12:53 am IST

  • આજથી ખુલ્યા ત્રણ મહત્વના IPO: યુટીઆઇ AMC, મઝગાંવ ડોક અને લિખિતા ઇન્ફ્રા : ૧ લી ઓકટોબરે ત્રણેય ઇસ્યુ બંધ થશે access_time 11:21 am IST