Gujarati News

Gujarati News

News of Friday, 29th May 2020

ટંકારામાં કોરોના પોઝીટીવ કેસ આવ્યા બાદ જયનગર-સાવડી ગામ બફર ઝોન જાહેર

બંને ગામના ૧૭૮૮ ની વસ્તીને આવરી લેવાઈ

મોરબી જીલ્લામાં વધુ એક કોરોના પોઝીટીવ કેસ નોંધાયા બાદ દર્દીના ગામમાં આરોગ્ય તંત્ર પહોંચ્યું હતું અને જયનગર ગામમાં કન્ટેનમેન્ટ ઝોન ઉપરાંત બફર ઝોન જાહેર કરીને બફર ઝોનમાં ૧૭૮૮ ની વસ્તીને આવરી લેવાઈ છે 

અમદાવાદથી ટંકારાના જયનગર ગામે આવેલ યુવાનનો કોરોના રીપોર્ટ પોઝીટીવ આવ્યા બાદ દર્દીને રાજકોટ ખાનગી હોસ્પિટલમાં ખસેડાયા છે જયારે પોઝીટીવ આવેલા દર્દીના નિવાસસ્થાને જયનગર ગામની શેરી નં ૨ અને 3 ને કન્ટેનમેન્ટ ઝોન જાહેર કરીને ૧૦ ઘરના ૫૭ લોકો હોમ કોરોનટાઈન કરાયા છે

તે ઉપરાંત જયનગર ગામની શેરી નં ૨ અને 3 સિવાયના તમામ વિસ્તારના કુલ ૫૨ ઘર અને જયનગરના 3 કિમી વિસ્તારમાં આવેલ સાવડી ગામના કુલ ઘર ૩૦૮ સહીત કુલ ૩૬૦ ઘરોને બફર ઝોનમાં સમાવ્યા છે અને આ બંને ગામની મળીને ૧૭૮૮ ની વસ્તીને બફર ઝોનમાં આવરી લેવાઈ છે જયારે મોરબીમાં આજે રૂટિંગ સ્ક્રીનીંગ હેઠળ કુલ ૫૫ સેમ્પલ લેવામાં આવ્યા છે જેના રીપોર્ટ શુક્રવારે સાંજ સુધીમાં આવી જશે

(8:39 am IST)
  • મહારાષ્ટ્રના આ શહેરોમાં રવિ કે સોમવારથી વરસાદ ચાલુ : મુંબઇ, બાદલપુર, થાણે, કલ્યાણ, નાસીક, અંબરનાથ, પનવેલ, પુણે, કોલ્હાપુર, અહમદનગર, સતારા, નાગોથાણે, પાલઘર, ગોરેગાંવ, જુન્નર, લોનાવાલા અને કરજતમાં તા.૩૧ અથવા ૧ જુનથી વરસાદ શરૂ થઇ જશે. જે ૮ જુન સુધી ઓછા વધુ પ્રમાણમાં ચાલુ રહેશે access_time 11:50 am IST

  • બ્રહ્મપુત્રા નદીમાં ભયંકર પૂરઃ આખે આખુ મકાન તણાઇ ગયું : આસામના અનેક વિસ્તારોમાં ભારે વરસાદઃ બ્રહ્મપુત્રા નદીએ વિકરાળ સ્વરૂપ ધારણ કર્યું: ધુબરી જીલ્લાના પટકતા બજારમાં બ્રહ્મપુત્રાના કિનારાને તોડી પ્રચંડ પ્રવાહે આખે આખા મકાનને સ્વાહા કર્યું હતુ. access_time 3:56 pm IST

  • પાકિસ્તાનના મહાઆતંકી સૈયદ સલાઉદ્દીન ઉપર જીવલેણ હૂમલો :પાકિસ્તાનના પાટનગર ઇસ્લામાબાદમાં હિઝબુલ મુઝાહિન નામના ત્રાસવાદી સંગઠનના મુખિયા સૈયદ સલાઉદ્દીન ઉપર ૨૫ તારીખે જીવલેણ હૂમલો થતા ગંભીર સ્થિતિ છેઃ પાકિસ્તાની જાસુસી સંસ્થા આઇએસઆઇ ઉપર મોટો હૂમલો કરવાનું કાવત્રુ ઘડ્યાનો તેના ઉપર આરોપ છેઃ આઇએસઆઇ તેના ઉપર સખ્ત નારાજ છેઃ તેના જ ઇશારે આ જીવલેણ હૂમલો થયો હતોઃ હાલના સમયમાં હીઝબુલ સંગઠનને આઇએસઆઇનો કોઇ ટેકો નથી access_time 3:57 pm IST