Gujarati News

મોરબીમાં રહેતી સગીરા સાથે રાજકોટના શખ્સે દુષ્કર્મ આચર્યું હોય જેમાં મોરબીની મહિલા અને વાંકાનેરના શખ્શે પણ મદદ કરી હોય પોલીસે ત્રણ સામે ગુન્હો નોંધી તપાસ ચલાવી હતી જેમાં મદદગારી કરનાર મહિલા સહીત બે શખ્શોને ઝડપી લેવાયા છે જયારે મુખ્ય આરોપીને ઝડપી લેવા તપાસ ચલાવી છે

મોરબીમાં રહેતી સગીરાને લગભગ બે માસ પૂર્વે રાજકોટનો રહેવાસી શાહરુખ હારુનભાઈ કટિયા મોરબી આવ્યો હતો અને સગીરાને મોરબીના ૨૫ વારીયા પ્લોટના ભાડાના મકાનમાં રહેતી સોનલબેન જ્યેન્દ્ર ચુડાસમાના મકાનમાં લઈ જઈ તેની સાથે બળજબરીથી દુષ્કર્મ આચર્યું હતું અને દુષ્કર્મ આચરી બાદમાં આરોપી સોનલબેન અને વાંકાનેરના રહેવાસી મોમયભાઈએ કોઈએ કહીશ તો જાનથી મારી નાખવાની ધમકી આપી હતી જે બનાવ અંગે ભોગ બનનાર સગીરાની માતાએ એ ડિવિઝન પોલીસ મથકમાં ફરિયાદ નોંધાવી છે

જેની વધુ તપાસ એ ડિવિઝન પી.આઈ. આર.જે.ચૌધરી, રાઇટર ફતેસિંહ પરમાર અને વિજયભાઈ ચાવડાની ટીમે ચલાવી હતી અને દુષ્કર્મના બનાવમાં મદદગારી કરનાર મહિલા સોનલબેન જયેન્દ્ર ચુડાસમા અને વાંકાનેરના રહેવાસી મોમૈયાભાઈને ઝડપી લેવાયા છે અને મહિલા આરોઈને જેલહવાલે કરી છે અને આરોપી મોમૈયાને કોર્ટમાં રજુ કરતા સોમવાર સુધીના પોલીસ રિમાન્ડ પર સોપ્યો છે જયારે સગીરા દુષ્કર્મનો મુખ્ય આરોપી હજુ ફરાર હોય જેને ઝડપી લેવા તપાસના ચક્રો પોલીસે ગતિમાન કર્યા છે