Gujarati News

મોરબીના લખધીરપુર રોડ પર ઇકો કારમાં આવેલા ત્રણ શખ્શોએ છરી વડે હુમલો કરીને યુવાન પાસેથી રોકડ અને મોબાઈલ સહીત કુલ રૂ ૭૦૦૦ ની લૂંટ ચલાવી કારમાં નાસી ગયા હતા જે અંગે ભોગ બનનારની ફરિયાદને આધારે પોલીસે તપાસ ચલાવી છે

મૂળ બિહારના રહેવાસી અને હાલ લખધીરપુર રોડ પરના હરીકોલ કોલસાના ડેલામાં રહેતા સંજયકુમાર સુરેશભાઈ પાસવાન પોલીસ ફરિયાદમાં જણાવ્યું છે કે લખધીરપુર ગામના રોડ પર આરોપીઓ ગાંગુલી, જીગો અને રંજો ઇકો કાર નં જીજે ૩૬ એલ ૬૭૪૪ માં આવીને રોકી ઘુટું જવાના રસ્તા અંગે પૂછી લૂંટના ઈરાદે પકડી રાખી માર મારી છરી વડે હુમલો કરી ફરિયાદીના ખિસ્સામાં રહેલ રોકડ રકમ ૨૦૦૦ અને મોબાઈલ સહીત કુલ રૂ ૭૦૦૦ ની લૂંટ કરી ઇકો કારમાં નાસી ગયા હતા તાલુકા પોલીસે લૂંટના બનાવની નોંધ કરી તપાસ હાથ ધરી છે