Gujarati News

જૂનાગઢની લીલી પરિક્રમામાં દર વર્ષે લાખોની સંખ્યામાં પરિક્રમાર્થીઓ ઉમટી પડતા હોય છે. જેમાં જુદા જુદા કારણોસર મૃત્યુના બનાવો પણ બનતા હોય છે. ત્યારે આ વર્ષે  લીલી પરિક્રમામાં 3 દિવસમાં કુલ પાંચ લોકોના મૃત્યુ થયા છે.

    એક અંદાજ મુજબ નળ પાણીની ઘોડી ખાતેથી અત્યાર સુધીમાં 8.70 લાખ પરિક્રમાર્થીઓ પસાર થઇ ચૂક્યા છે. યાત્રિકોનો અવિરત પ્રવાહ હજુ પણ ચાલુ જ છે. જે પરિક્રમાના ઇતિહાસમાં સૌથી વધુ યાત્રિકોના રેકોર્ડ બ્રેક કરે તેવી શકયતાઓ છે. આટલી મોટી સંખ્યામાં ઉમટી પડેલા શ્રદ્ધાળુઓના ખિસ્સા કાપતા 13 ખિસ્સા કાતરુઓને પણ પોલીસે ઝડપી પાડ્યા છે.