Gujarati News

Gujarati News

News of Monday, 28th May 2018

ચંદ્રપુર પાસે બળદને કતલખાને લઇ જતુ પીકઅપ વાહન પકડાયુ

ગૌ-રક્ષકોએ પીછો કરતા વાહન ચાલક સહિત ત્રણ ભાગી ગયા

 વાંકાનેર તા. ર૮ :.. વાંકાનેર પંથકમાંથી કતલખાને ધકેલાતા ગૌવંશની પ્રક્રિયા ફરી શરૂ થઇ રહી હોય તેવુ લાગી રહ્યું છે અગાઉ એનક વખત ગૌ રક્ષકો અને પોલીસે ધોસ બોલાવી અનેક અબોલ જીવોને બચાવ્યા છે અને આ પ્રવૃતિમાં બ્રેક પણ લાગી હતી.

મળતી વિગત મુજબ વાંકાનેર-બાઉન્ડ્રી રોડ પરથી ગૌવંશ સાથે પીકપ વાહન પસાર થતી હોવાની બાતમી વાંકાનેરના ગૌ-રક્ષકોને મળતા તેઓ ચંદ્રપુર ગામ નજીક વોંચમાં હતા ત્યારે આ પીકપ વાહન પસાર થતા તેને અટકાવવાનો પ્રયાસ કરેલ અને ગૌ-રક્ષકોની ટીમને જોઇ વાહન ચાલકે અંધારામાં વાહન રોકી ત્રણ શખ્સો વાહન મુકી નાસી છૂટયા હતાં.

વાહનની તલાસી લેતા તેમાંથી એક બળદ મળી આવેલ હતું. આ અંગેની શહેર પોલીસને જાણ કરાતાં પીએસઆઇ જાડેજા સ્ટાફ સાથે ઘટના સ્થળે દોડી જઇ અને બળદ સાથે વાહન કબજે કર્યુ હતું. અને અજાણ્યા શખ્સો સામે વાંકાનેર શીવસેનાના પ્રમુખ અને ગૌરક્ષક મયુર રમેશભાઇ જાદવની ફરીયાદ લઇ નાસી છૂટેલા શખ્સોને પકડી પાડવા પોલીસે ચક્રો ગતિમાન કર્યા છે. (પ-ર૦)

(11:46 am IST)
  • પાકિસ્તાની કાકલુદી બાદ ચીને નિભાવી દોસ્તી :પાકિસ્તાનને અપાયેલા 50 કરોડ ડોલરના લોનની શરતોમાં ચીને આપી છૂટછાટ આપવા સહમત ;આ એ સમયે રાહત આપી છે જયારે પાકિસ્તાનનું વિદેશી મુદ્રા ભંડાર છેલ્લા પાંચ વર્ષમાં 44 અબજ ડોલરના કર્જ લેવા છતાં કથળ્યું છે access_time 1:04 am IST

  • વડાપ્રધાન નરેન્દ્ર મોદી આજથી 2 જૂન સુધી ઇન્ડોનેશિયા, મલેશિયા અને સિંગાપોરની મુલાકાતે જવા રવાના થશે, જેમાં PM થોડા સમયે માટે કુઆલાલમપુરમાં રોકાણ કરશે. તે દરમિયાન વડાપ્રધાન નરેન્દ્ર મોદી મલેશિયાના નવ નિયુક્ત વડાપ્રધાન મહાતિર મોહમ્મદ સાથે મુલાકાત કરશે. વડાપ્રધાન નરેન્દ્ર મોદી જકાર્તામાં પતંગ મહોત્સવનું પણ ઉધ્ધાટન કરશે. 1 જૂને સિંગાપોરમાં શાંગરી-લા સંવાદને સંબોધન કરશે વડાપ્રધાન મોદી અને આ કાર્યક્રમમાં મુખ્યવકતા તરીકે આમંત્રિત કરાયા હોય તેવા ભારતના પ્રથમ PM બનશે. access_time 8:29 am IST

  • ભૂકંપની અફવાથી બિહારના રેલવે સ્ટેશને ભાગદોડમાં 56 લોકો ઘાયલ :બિહારના નાલંદાના બિહારશરીફ રેલવે સ્ટેશને એક વિદ્યાર્થીએ ભૂકંપની અફવા ફેલાવતા ભાગદોડ મચી :સ્ટેશન પર આઈટીઆઈ પરીક્ષામાં સામેલ થવા અલગ અલગ જિલ્લામાંથી વિદ્યાર્થીઓ મોટી સંખ્યામાં રેલવે સ્તએહ્સને હતા ત્યારે મોડીરાત્રે 2 વાગ્યે કેટલાક અવાજો આવતા સુતેલા છાત્રોને ભૂકંપ ભૂકંપ એવું જોરશોરથી કહેતા લોકો ભાગવા લાગ્યા હતા. access_time 11:45 pm IST