Gujarati News

Gujarati News

News of Monday, 28th May 2018

ગીરમાં સિંહણની પજવણીનો LIVE વીડિયો વાયરલ:વન વિભાગ કશું બોલવા તૈયાર નથી

એક શખ્સ હાથમાં મરઘી લઈને સિંહને પ્રલોભન આપતો નજરે પડે છે :સિંહણ આવીને મરઘીને ઉપાડી જાય છે

સાસણ ગીરમાં ગેરકાયદે સિંહદર્શનનો વધુ એક વીડિયો બહાર આવ્યો છે જેમાં એક શખ્શ સિંહણની પજવણી કરતો નજરે ચડે છે હજુ  થોડા દિવસ પહેલા જ જંગલમાં ગૌવંશને બાંધીને ગેરકાયદે સિંહદર્શન કરતા હોય તેવો એક વીડિયો સામે આવ્યો હતો. ત્યારે તાજેતરમાં વાયરલ થયેલા વીડિયોમાં એક શખ્સ સિંહણની પજવણી કરતો હોય તેવું જોવા મળી રહ્યું છે. વીડિયોમાં એક વ્યક્તિએ ગેરકાયદે સિંહદર્શનની સાથે સાથે સિંહણની પજવણી પણ કરી રહ્યા. હાલ વાયરલ થઈ રહેલો આ વીડિયો ગીર-સોમનાથ, ઉના કે પછી ધારીનો હોઈ શકે છે.

    આ વીડિયોમાં દેખાઈ રહ્યું છે કે એક વ્યક્તિના હાથમાં મરઘી છે અને તે સિંહને પ્રલોભન આપી રહ્યો છે. સામે દૂર એક સિંહણ દેખાય છે. આ શખ્સ તેને મરઘી દેખાડી રહ્યો છે. એ થોડો દૂર હટી જાય છે. ફરી નજીક આવી મરઘીનો સિંહણ સામે ઘા કરે છે. થોડીવાર નીરવ શાંતિ છવાઈ જાય છે. ત્યારબાદ સિંહણ આવે છે અને મરઘીને ઉપાડીને જંગલમાં લઈ જાય છે.

  જો કે આ લાઈવ વીડિઓ બાદ વન વિભાગ દ્વારા આ મુદ્દે કશું બોલવા તૈયાર નથી આ સિવાય બીજા અન્ય વિડિઓ પણ એટલા ચોંકાવનારા છે કે વન વિભાગ કોઈ પણ કિંમતે તે બહાર લાવતા ડરી રહ્યું છે.

    ગેરકાયદે લાયન શો સિંહ માટે હાનિકારક છે. આવા લાયન શોથી સિંહ પાલતુ જેવો બની જાય છે.સરકારે હાલમાં જ જંગલની બહાર વસતા 200 જેટલા સિંહોના સંવર્ધન માટે પ્રોજેક્ટ લાઈનને મંજુર આપી છે પણ અહીં તો જંગલમાં વસતા સિંહોની સુરક્ષા સામે પણ સવાલ ઉભા થાય છે. શું આવી રીતે સિંહોનું સંવર્ધન અને સુરક્ષા થશે? તેવા સવાલ ઉઠી રહ્યાં છે

 

(7:57 pm IST)
  • ઇરાકના તાનાશાહ સદ્દામ હુસૈન માટે તૈયાર કરાયેલ શાનદાર શિપને હવે હોટલ બનાવવા તૈયારી થઇ રહી છે 82 મીટર લાંબી આ શિપને 1981માં બનાવાઈ હતી,કિંગ સાઈઝ બેડ,મખમલના પડદા,સોનાથી સજાવેલા બાથરૂમ શીપમાં છે બરસા બ્રિજ નામથી આ શિપને હવે ઈરાકી સરકાર હોટલમાં રૂપાંતરિત કરવા વિચારણા કરી રહી છે બે વર્ષ સુધી આ શિપનો બરસા યુનિવર્સીટીએ પણ ઉપયોગ કર્યો હતો. access_time 7:18 am IST

  • પાકિસ્તાનના સિંધ પ્રાંતની એસેમ્બલીએ હિન્દૂ વિધવા મહિલાઓને બીજા લગ્ન કરાવાનો અધિકાર આપ્યો :હિન્દૂ મહિલાઓ તેના પતિના મૃત્યુના છ મહિનામાં બીજા લગ્ન કરી શકશે :તે લગ્ન ખતમ કરવાની અરજી પણ આપી શકશે : આ પહેલા અલ્પસંખ્યક મહિલાઓ,વિધવાઓ અને છૂટાછેડા લીધેલીને કાનૂની રીતે બીજા લગ્ન કરવાની અનુમતિ નહોતી access_time 1:13 am IST

  • સાઉદી અરબ સહિતના દેશોનો સમાન વેચવા કતારે લગાવ્યો પ્રતિબંધ : સાઉદી અરબ સહિતના દેશોએ કતાર સાથે સબંધો તોડ્યાના એક વર્ષ બાદ દોહાએ પોતાને ત્યાં ઉપરોક્ત દેશોનો સમાન વેચવા રોક લગાવી છે : કતારે પોતાના દેશના દુકાનદારોને આદેશ કર્યો છે કે પોતાની દુકાનમાં સાઉદી અરબના નેતૃત્વવાળા દેશોનો સમાન હટાવી લ્યે : નિરીક્ષક દુકાનોની ચેકીંગ પણ કરશે. access_time 11:31 pm IST