Gujarati News

Gujarati News

News of Friday, 27th November 2020

જાહેરમાં થુકવા બાબતે થયેલ નજીવા ઝઘડામાં અંજારમાં હેડ કોન્સ્ટેબલની હત્યા કરનાર ઝડપાયો

૧૯ વર્ષીય સુનિલ ઉર્ફે મુન્નાએ હેડ કોન્સ્ટેબલ વિજય ચૌહાણને કુહાડીના ઘા ઝીંકી પતાવી દીધા'તા

(વિનોદ ગાલા દ્વારા)ભુજ,તા. ૨૭:  અંજારમાં જાહેર રોડ ઉપર પોલીસ કર્મીની હત્યા કરનાર આરોપી ઝડપાઈ ગયો છે. પોલીસે ૧૯ વર્ષીય હત્યારા સુનિલ ઉર્ફે મુન્ના નારાણ સીજુ મહેશ્વરીની ધરપકડ કરી છે.

ચારેક દિવસ પહેલાં જાહેર બગીચામાં થૂંકનાર સુનિલ ઉર્ફે મુન્નાને હેડ કોન્સ્ટેબલ વિજય ચૌહાણે ઠપકો આપતાં સામાન્ય બોલાચાલી અને ઝઘડો થયો હતો.

જેના ખાર રાખીને બે દિ' પહેલા આરોપી સુનિલ ઉર્ફે મુન્નાએ પોલીસ કર્મી વિજય ચૌહાણ ઉપર કુહાડી વડે હુમલો કરી કુહાડીના દ્યા મારી નિર્મમપણે હત્યા કરી હતી.

મૃતક વિજય ચૌહાણ પશ્ચિમ કચ્છ પોલીસના માતાના મઢ થાણા મધ્યે વાયરલેસ ઓપરેટર હતા.

(11:47 am IST)
  • કોંગ્રેસ નહીં ઓફિસને તાળાં મારી દેવાયા: પગાર ચૂકવો પછી જ અંદર આવો: લખનૌમાં કોંગ્રેસના મુખ્ય કાર્યાલયને, કર્મચારીઓ અને સ્ટાફ દ્વારા, પગાર નહી ચૂકવવાને કારણે તાળાબંધી કરવામાં આવી છે. બાકી નીકળતું વેતન ચૂકવાશે નહિ, ત્યાં સુધી, કોઈ પણ કોંગી હોદ્દેદારને ઓફિસમાં પ્રવેશવા દેવાશે નહિ, તેવી જાહેરાત access_time 10:49 am IST

  • જામનગર જિલ્લાના લાલપુરમાં 2 જૂથ વચ્ચે અથડામણ: 3 લોકો ઘાયલ: મહિલાની છેડતી બાબતે અથડામણ થયાનું પ્રાથમિક તારણ: પોલીસ કાફલો ઘટનાસ્થળે પહોંચ્યો : ચાંપતો બંદોબસ્ત ગોઠવાયો access_time 11:48 pm IST

  • દેશમાં કોરોના કેસનો આંકડો 93 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 42 054 કેસ નોંધાયા:કુલ કેસનો આંકડો 93, 08,751 થયો :એક્ટીવ કેસ 4, 54,323 થયા: વધુ 38,580 દર્દીઓ સ્વસ્થ થતા કુલ 87,16,556 રિકવર થયા :વધુ 473 લોકોના મોત સાથે કુલ મૃત્યુઆંક 1,35, 734 થયો access_time 12:14 am IST