Gujarati News

 વાંકાનેર તા. ર૭: ગઇકાલે રાત્રે સવા દસથી અગીયાર, પોણી જ કલાકમાં દોઢ ઇંચ ભારે વરસાદ વાંકાનેર શહેરમાં વરસી ગયો હતો. જેના કારણે અનેક રસ્તાઓ ધોવાઇ ગયા હતા. ગરબીના મંડપોના શુસોભનોના કપડાઓ ધોવાઇ ગયા હતા. ઠેર ઠેર પાણીના ખાડાઓ ભરાઇ ગયા હતા. વિજળીના કારણે શહેરના ઘણા વિસ્તારોમાં, ઘરોમાં વિજળીના ઉપકરણો, વાયરીંગ બળી ગયાની ઘટનાઓ પણ બની હતી.

વાંકાનેર પાસેના મચ્છુ-૧ ડેમ પર નવા વરસાદી નીરને કારણે ર૦ દોરા ઓવરફલો વહી રહ્યો છે.

આ લખાય છે ત્યારે મોડી સવારે પણ આભમાં છવાયેલા વાદળો અને ગરમીના ઉકળાટની અનુભૂતિએ વધુ વરસાદ હજુયે ખાબકે તેવી શકયતાઓ જોવા મળી રહી છે.