Gujarati News

રાજકોટ, તા., ૨૭: ગોંડલ તાલુકાના દેરડી કુંભાજી ગામે શનીવારે રાત્રે યુનીયન બેંકની શાખામાં આગ લાગતા દોડધામ મચી ગઇ હતી.

દેરડી કુંભાજી ગામે આવેલ યુનીયન બેંકની શાખામાં શનીવારે રાત્રે અચાનક આગ ભભુકી ઉઠતા બેંકની બહાર લોકોના ટોળેટોળા એકત્ર થઇ ગયા હતા. આ અંગે ગોંડલ ફાયર બ્રિગેડને જાણ કરાતા ફાયર બ્રિગેડના સ્ટાફે ઘટના સ્થળે દોડી જઇ પાણીનો મારો ચલાવી આગ કાબુમાં લઇ લીધી હતી. આ આગમાં બેંકનું રેકર્ડ અને સાધનો બળીને ખાખ થઇ ગયા હતા. શોર્ટ સર્કિટને કારણે આગ લાગી હતી. બેંકના અધિકારી નિરજકુમાર સીંગે પોલીસને જાણ કરતા બનાવ અંગે તાલુકા પોલીસે તપાસ હાથ ધરી છે.