Gujarati News

રાજકોટ, તા., ર૭: ગોંડલના ભોજરાજપરામાં ઘરની ડેલી પાસે ગંદુ-પોદરાવાળુ પાણી કેમ ઉડાડે છે? તેમ કહી મહિલાને ૩ પડોશીઓએ માર મારતા પોલીસમાં ફરીયાદ થઇ છે.

પ્રાપ્ત વિગતો મુજબ ગોંડલના ભોજરાજ પરા શેરી નં. ૭ પાસે રહેતા વનીતાબેન જેન્તીલાલ મારડીયા પોતાના ઘર પાસે પડેલ પોદરો પાણીથી સાફ કરતા'તા ત્યારે બાજુમાં રહેતા પડોશી મિતલબેન સુરેશભાઇ ત્રિવેદી, અમીન સુરેશભાઇ ત્રિવેદી તથા નિર્મલાબેન સુરેશભાઇ ત્રિવેદીએ લાકડી સાથે ધસી આવી અમારા ઘરની ડેલી પાસે ગંદુ-પોદરાવાળુ પાણી કેમ ઉડાડે છે? તેમ કહી માર માર્યો હતો. આ અંગે ઉકત ત્રણેય સામે  સીટી પોલીસમાં ફરીયાદ થતા હેડ કોન્સ્ટેબલ  રાજદીપસિંહ ચુડાસમાએ તપાસ હાથ ધરી છે.