Gujarati News

ભુજ તા.૨૬: હિક્કા વાવાઝોડાની અસર તળે કચ્છમાં સર્જાયેલા લો પ્રેસરની કાંઠાળ વિસ્તારોમાં અસર રહી છે. સતત ચોથા દિવસે વરસાદે મુન્દ્રા અને માંડવી પંથકમાં પોતાની હાજરી પુરાવી હતી. ગઇકાલે ફરી વાતાવરણ પલટાયું હતું અને મુન્દ્રા તેમ જ આજુબાજુના કાંઠાળ વિસ્તારોમાં અડધો કલાકમાં સવા ઇંચ જેટલો વરસાદ વરસ્યો હતો. તો, માંડવીમાં અડધો ઇંચ અને અબડાસા, લખપતમાં ઝાપટા સ્વરૂપે વરસાદે હાજરી પુરાવી હતી. જોકે,ભુજમાં ૩૬ ડીગ્રી ગરમી સાથે આગ ઝરતી લૂ વરસતા લોકો આકાશમાંથી વરસતી ગરમીથી ત્રાહિમામ થઇ ગયા છે.