Gujarati News

Gujarati News

News of Wednesday, 26th June 2019

સાવરકુંડલાના વાંસીયાળીનુ ખેડૂત દંપતિ બળદગાડા સાથે સુરવો નદીમાં તણાયું: પતિનો બચાવઃ પત્નિની શોધખોળઃ બે બળદના મોત

સાવરકુંડલા, તા. ૨૬ :. અમરેલી જિલ્લાના સાવરકુંડલા તાલુકાના વાંસીયાળી ગામનું ખેડૂત દંપતિ ગઈકાલે બળદગાડા સાથે પૂરમાં તણાતા પત્નિ લાપત્તા થયા છે. જેની આજે બીજા દિવસે પણ ગ્રામજનો અને ફાયર બ્રિગેડની ટીમ દ્વારા શોધખોળ હાથ ધરવામાં આવી છે. જ્યારે પતિનો બચાવ થયો છે અને બે બળદનો પણ ભોગ લેવાયો છે.

પ્રાપ્ત માહિતી મુજબ વાંસીયાળી ગામે રહેતા ભાવેશભાઈ ઠુંમર અને તેના પત્નિ શોભનાબેન ઠુંમર ગાડામાં બેસીને વાડીએ જઈ રહ્યા હતા  ત્યારે સેલણા ગામેથી પસાર થતી સુરવો નદીમાં બળદગાડા સાથે દંપતિ તણાયુ હતુ.

જેમાં ભાવેશભાઈ ઠુંમરનો બચાવ થયો હતો જયારે તેમના પત્નિ શોભનાબેન ઠુંમર પાણીના પ્રવાહમાં લાપત્તા થતા તંત્ર દોડી ગયુ હતુ અને તેમની શોધખોળ હાથ ધરી છે. આજે બીજા દિવસે પણ લાપત્તા મહિલાનો કોઈ પત્તો લાગ્યો નથી. તંત્ર દ્વારા તેમની શોધખોળ હાથ ધરવામાં આવી છે. જ્યારે બે બળદના મોત થયા હતા. તેમજ ગાડુ સેલણા ગામની નદીમાંથી મળી આવ્યુ છે.

(1:10 pm IST)
  • રાજકોટ જિલ્લા દૂધ ઉત્પાદક મંડળીએ દૂધના ફેટ દીઠ રૂા.૨૦નો વધારો કર્યો હવેથી પ્રતિકિલો ફેટના રૂા.૭૦૦ પશુપાલકોને ચુકવાશે : ૮૩૦ મંડળીઓના ૬૫ હજાર પશુપાલકોને થશે લાભ access_time 6:28 pm IST

  • બેંકોને ચુનો ચોપડનાર સંદેસરા બંધુઓ સામે ઇડીનીકાર્યવાહીઃ૯૭૭૮કરોડની પ્રોપર્ટી જપ્ત : નવી દિલ્હીઃ બેંકોના ૮૧૦૦ રૂપીયા ચાંઉ કરી જનાર વડોદરાના ઉદ્યોગપતિ સંદેસર બ્રધર્સ વિરૂધ્ધ ઇડીએ ધોકો પછાડયોઃ ૯૭૭૮ કરોડની સંપતિ જપ્ત કરીઃજેમાં લંડનમાં મોજુદ પ્રોપર્ટી અને પ્ેલેન પણ સામેલ છેઃ બંને ભાઇ ચેતન-નીતીન ફરાર છેઃ રેડકોર્નર નોટીસ જારી થઇ છે access_time 4:22 pm IST

  • મનમોહનસિંઘને ભારત રત્ન એવોર્ડ અપાશે : સંસદમાં પ્રવચન દરમિયાન નરેન્દ્રભાઈએ નિર્દેશ આપ્યો હતો કે પૂર્વ વડાપ્રધાન મનમોહનસિંઘને 'ભારત રત્ન' એવોર્ડ આપવામાં આવશે : ન્યુઝ ફર્સ્ટનો અહેવાલ access_time 6:16 pm IST