Gujarati News

વેરાવળ તા. ૨૬ : જુનાગઢ રેન્‍જ આઇ.જી.પી.મયંકસિંહ ચાવડા,ગીર સોમનાથ જીલ્લા પોલીસ અધિક્ષક મનોહરસિંહ એન.જાડેજા દ્વારા દારૂનુ દુષણ ડામવાﾠસુચન અનુસંધાને એલ.સી.બી. ના ઇ.ચા.પો.ઇન્‍સ. વી.કે.ઝાલાના માર્ગદર્શન મુજબ એ.એસ.આઇ.નરેન્‍દ્રભાઇ કછોટ, લાલજીભાઇ બાંભણીયા,ﾠમેસુરભાઈ વરૂ પો.હે.કો.શૈલેષભાઇ ડોડીયા, ﾠનરેન્‍દ્રભાઇ પટાટ,ﾠપો.કો. ઉદયસિંહ સોલંકી,પો.કો. ડ્રા.ગોપાલભાઈ મકવાણા સહિત પો.સ્‍ટાફ પેટ્રોલિંગ દરમ્‍યાન મળેલ બાતમી આધારે બોરવાવ ગામની પાદરડી સીમમાં રાજેશ ચકુભાઇ ખુટની વાડીમાં આવેલ માલ સામાન ભરવાના મકાને રેઇડ કરતા દારૂની બોટલો નં.૧૯૨ કિ.રૂ ૮૦,૪૦૦ મોબાઇલ ફોન-૨ કિ.રૂ ૧૦,૦૦૦ કુલ કિ.રૂ. ૯૦,૪૦૦ મુદામાલ સાથેﾠરાજુ ઉર્ફે ઘેટો બધાભાઇ કોડીયાર,રાજેશભાઇ ચકુભાઇ ખુટ રહે. બન્ને બોરવાવ વાળાને ઝડપી કાર્યવાહી કરી તાલાળા પો.સ્‍ટે. ગુ.૨.કરાવતા આગળની કાર્યવાહી હાથ ધરી છે. રેઇડ દરમ્‍યાન હાજર નહિ મળી આવનારﾠરાણા લાખાભાઇ ચાવડા રહેજુનાગઢ વાળાને ઝડપવા ચક્રો ગતીમાન કર્યા છે.