Gujarati News

જાફરાબાદ તાલુકાના ટીંબી બાયપાસ ઉપર ટ્રક GJ 14 X 2900 અને બાઇક GJ 32 R 3400  વચ્‍ચે ગમખ્‍વાર અકસ્‍માત સર્જાયો હતો. ટીંબી ગામે થી પસાર થતો  ભાવનગર-સોમનાથ નેશનલ હાઈવે ઉપર  ઉદય પેટ્રોલ પંપ પાસે ટ્રક અને બાઈક વચ્‍ચે ગમખ્‍વાર અકસ્‍માત થયો હતો જેમાં નારીયેલી મોલી ગામે રહેતા નયન દાસ વિષ્‍ણુદાસ દુધરેજીયા ઉંમર ૨૬ ને ગંભીર રીતે ઇજા પહોંચી હતી વધુ સારવાર માટે ઉના હોસ્‍પિટલ ખસેડવામાં આવ્‍યા. બાઈકચાલક પેટ્રોલ પંપ પાસે પેટ્રોલ પુરાવવા જતા રોડ ક્રોસિંગ  કરતી વખતે સામેથી એક ટ્રક રોંગ સાઇડમાં આવી જતા અડફેટે લેતા અકસ્‍માત સર્જાયો હતો. આ વિસ્‍તારમાં અવાર-નવાર આવી ઘટના બનતા લોકોના જીવ ખાવાનો વારો આવે છે આવા અકસ્‍માતો પાછળ જવાબદાર કોણ તેવું લોકમુખે ચર્ચાઈ રહ્યું છે. ટીંબી પોલીસ ઘટનાસ્‍થળે આવીને આગળની કાર્યવાહી કરી હતી.