Gujarati News

(વિનોદ ગાલા દ્વારા)ભુજ,તા. ૨૬: ચોરીના આરોપસર ગેરકાયદે અટક કરી સમાદ્યોદ્યા ગામના બે ગઢવી યુવાનોના મોત નીપજાવવાના ગુનામાં ફરાર ત્રણ પોલીસ કર્મીઓ ભાવનગરથી ઝડપાયા છે. એટીએસ અને કચ્છ પોલીસને હાથતાળી આપી નાસતા ફરતા ફરાર ત્રણેય પોલીસ કર્મીઓ ઉપર પકડ વોરંટ ઇસ્યુ કરાયું હતું.

આજે તેઓ ભાવનગરમાંથી ઝડપાયા છે. મુન્દ્રા પોલીસ સ્ટેશનમાં ફરજ બજાવતા શકિતસિંહ ગોહિલ, અશોક કન્નડ અને જયદેવસિંહ ઝાલા આ બનાવ બાદ ભાગેડુ હતા.

આજે ભાવનગર પોલીસની મદદથી પશ્ચિમ કચ્છ પોલીસને તેમને ઝડપવામાં સફળતા મળી છે. ત્રણેય ફરાર આરોપી પોલીસ કર્મીઓને મુન્દ્રા લઈ આવવાની તજવીજ હાથ ધરાઇ છે.