Gujarati News

Gujarati News

News of Friday, 26th February 2021

કોંગ્રેસને મોટો ફટકો : પ્રદેશ કોંગ્રેસ મંત્રી અને પાટડી નગર પાલિકાના નિરીક્ષક મનોજ રાઠોડનું પાર્ટીના તમામ હોદા-સભ્યપદેથી રાજીનામુ

જિલ્લા કોંગ્રેસ અને લોધીકા તાલુકા કોંગ્રેસની ટિકિટ વહેંચણીમાં વરવી ભૂમિકાથી નારાજ : હારેલા ઉમેદવારની તરફેણ કરતા હોવાનો આક્ષેપ

રાજકોટ : કોંગ્રેસને વધુ એક મોટો ફટકો પડ્યો છે યુવા નેતા મનોજ રાઠોડે પાર્ટીના તમામ હોદા અને સભ્યપદેથી રાજીનામુ આપી દેતા મોટો ખળભળાટ મચી જવા પામ્યો છે

 મનોજ રાઠોડે પ્રદેશ પ્રમુખ અમિત ચાવડાને રાજીનામાં પત્ર મોકલ્યું છે જેમાં જિલ્લા કોંગ્રેસ સમિતિ અને લોધીકા તાલુકા કોંગ્રેસની નબળી નેતાગીરી સાથે કામ કરવા અસમર્થતતા બતાવી જિલ્લા કોંગ્રેસ અને તાલુકા કોંગ્રેસ દ્વારા ટિકિટ વહેંચણમાં વરવી ભૂમિકા ભજવતા હોવાનો આક્ષેપ કર્યો છે

 મનોજ રાઠોડે અમિત ચાવડાને લખેલ રાજીનામાં પત્ર આ મુજબ છે

અમિતભાઈ ચાવડા ‍ પ્રમુખ ગુજરાત પ્રદેશ કોંગ્રેસ સમિતિ હું મનોજ રાઠોડ મંત્રી ગુજરાત પ્રદેશ કોંગ્રેસ સમિતિ અને નિરીક્ષક ગુજરાત પ્રદેશ કોંગ્રેસ સમિતિ પાટડી નગરપાલિકા આજે કોંગ્રેસના તમામ હોદ્દા ઉપરથી તેમજ કોંગ્રેસના સભ્ય તરીકે રાજીનામું આપું છું રાજકોટ જિલ્લા કોંગ્રેસના તેમજ લોધિકા તાલુકા કોંગ્રેસના નબળી નેતાગીરીને નીચે હું કામ કરી શકું એમ નથી આ બંને નેતાગીરી લોધીકા જિલ્લા પંચાયત 19 ની ટિકિટ દેવામાં વરવી ભૂમિકા ભજવેલ છે રાજકોટ જિલ્લા કોંગ્રેસના પ્રમુખ તેમજ લોધિકા તાલુકા કોંગ્રેસના પ્રમુખે ગ્રામ પંચાયત તાલુકા પંચાયત જીલ્લા પંચાયત હારેલા ઉમેદવારની તરફેણ કરે છે આવી આવી નેતાગીરી સાથે હું કામ કરી શકું એમ નથી જેથી મારા પ્રદેશના તમામ હોદ્દા પરથી રાજીનામું આપું છું.                  મનોજ રાઠોડ મંત્રી ગુજરાત પ્રદેશ કોંગ્રેસ સમિતિ અને નિરીક્ષક ગુજરાત પ્રદેશ કોંગ્રેસ સમિતિ પાટડી નગરપાલિકા.      

(3:03 pm IST)
  • સીંગતેલમાં રૂ. ૭૫ અને કપાસીયા તેલ અને પામોલીન તેલના ભાવમાં રૂ.૧૦૦નો વધારો ઝીંકાયો access_time 4:25 pm IST

  • રાજયમાં ફાયર સેફટી એકટના અમલમાં હાઇકોર્ટનું કડક વલણ : કોર્ટે કહ્યું.. લોકોના જીવના જોખમે હોસ્પિટલો અને શાળાઓ ધંધો કરી શકશે નહીં: શ્રેય હોસ્પિટલ ફરી શરૂ કરવાની રજૂઆત કોર્ટે ફગાવીઃ અમદાવાદ હોસ્પિટલ અને નર્સિગ એસોસીએશનને હાઇકોર્ટનો નિર્દેશ.. ફાયર સેફટીના નિયમોનું પાલન કરો અથવા હોસ્પિટલ બંધ કરોઃ ફાયર સેફટી વગરની ઇમારતો ફેકટરી શાળાઓ અને હોસ્પિટલો સામે કડક કાર્યવાહી કરવા હાઇકોર્ટનો સરકારનો આદેશ. access_time 3:54 pm IST

  • ભારતીય ટીમના બોલર યુસુફ પઠાણે ક્રિકેટના તમામ ફોર્મેટમાંથી લીધી નિવૃતિ : આજે યુસુફે ઍકાઍક જાહેરાત કરતાં જણાવેલ કે તેઓઍ ક્રિકેટના તમામ ફોર્મેટમાંથી નિવૃતિ લઈ લીધી છે : યુસુફ પઠાણે તેમની કારકિર્દીમાં ૫૭ વન ડે અને ૨૨ આંતરરાષ્ટ્રીય ક્રિકેટ મેચ રમી છે : તેઓની કારકિર્દીમાં અનેક સિમાચિન્હરૂપ ઈનિંગ્સનો સમાવેશ થાય છે : યુસુફઍ ઍક ફાંકડા ફટકાબાજ તરીકે પણ લોકચાહના મેળવેલ access_time 5:23 pm IST