Gujarati News

(મુકુંદ બદિયાણી દ્વારા) જામનગર તા. ૨૫ : સૌરાષ્ટ્રભરમાં સાર્વત્રિક વરસાદ વરસ્યો છે અને આજે સવારથી મેઘાનું જોર ઘણું ઘટી ગયું છે ત્યારે ગઇકાલે મેઘાનું જોર હાલારમાં રહ્યું હતું અને ગ્રામ્ય પંથકમાં ૧૦ ઇંચ સુધી પાણી પડી ગયું હતું.  આજે સવારે પૂરા થતાં છેલ્લા ૨૪ કલાકમાં જોડીયાના પીઠડ ગામે ૧૦, જામજોધપુરના વાંસજાળીયા-૬ અને પરડવામાં - ૫ ઇંચ ઉપરાંત ધ્રાફા - જામવાડીમાં ૩ાા, સમાણા-૩ા અને લાલપુરના મોટા ખડબામાં અઢી ઇંચ વરસાદ વરસ્યો હતો.  આમ જામજોધપુર પંથકમાં મેઘો ભરપૂર વરસ્યો છે અને તેમાં પણ વાંસજાળીયામાં મોસમનો કુલ વરસાદ ૭૧ ઇંચ થવા પામ્યો છે જે આંકડા નીચે મુજબ છે.