Gujarati News

ધોરાજી-ઉપલેટા તા ૨૪  : એક વર્ષમાં પર કરોડ- પાણી પુરવઠાના, ૩૫ કરોડ, રોડ રસ્તાના કામ, ૧૫ કરોડના સ્ટેટ અને પંચાયતના મળી ૧૦૦ કરોડના કામો ગતિમાં, અત્યાર સુધીમાં એકપણ ધારાસભ્યએ ન કર્યુ હોય તેવા કામો કરતા લલીત વસોયાને ઠેર ઠેરથી અભિનંદન.

ઉપલેટાના અહિંયા છેલ્લા એક વર્ષમાં ફકત ઉપલેટા તાલુકામાં જ ૧૦૦ કરોડ ઉપરાંતના કામો મંજુર કરાવી ધોરાજી-ઉપલેટા વિસ્તારના ધારાસભ્ય લલિત વસોયાની કામગીરીને લોકોમાંથી અભિનંદન મળી રહ્યા છે.

આ અંગે લલિત વસોયાનો સંપર્ક કરતા તેઓએ જણાવેલ હતું કે, ઉપલેટા તાલુકાના વેણુ-ર ડેમ નીચે આવતી પાણી પુરવઠા યોજના ોગભગ મૃત હાલતમાં કામ કરતી હતી. ગ્રામ્ય વિસ્તારમાં પીવાનું પાણી પુરતા પ્રમાણમાં મળતું ન હોવાની ફરીયાદો આવતી હતી. આ અંગે પાણી પુરવઠા મંત્રીશ્રીને રજુઆતો કરીને વેણુ-ર જુથ પાણી પુરવઠા યોજનાના ૫૮ કરોડ રૂપિયા મંજુર કરાવીને આ કામગીરી ટુંક સમયમાં શરૂ થશે, જેમાં વેણુ આધારીત ગામડાઓમાં ફિલ્ટર કરેલ પાણી માટે પંપ હાઉસ અને નવી લાઇનો નાખવામાં આવશે, જખેથી આ ગામડાનો પાણી પ્રશ્ન પણ હલ થઇ જશે.

આ ઉપરાંત ૩૫ કરોડના ઉપલેટા શહેરને જોડતા તમામ રસ્તાઓનું નવીનીકરણ કરવામાં આવશે. આ રસ્તામાં ગણોદ-તણસવા-મેરવાદર-પ્રાસલા-વડેખણ રોડ, કોલકી-ભાયાવદર રોડ, વાડલા-સેવંત્રારોડ, વચલા કલારીયા અને સંધીના કલારીયા ને જોડતો રોડ, અરણીખ્વડાળી રોડ, વરજાંગજાળીયા- નાગવદર રોડ સહિતના રોડો મંજુર થયેલ છે. આ રોડની કામગીરી તાત્કાલીક શરૂ કરવામાં આવશે, ઉપરાંત ૧૫ કરોડના સ્ટેટ અને પંચાયતના રોડ મળીને કુલ ૧૦૦ કરોડના કામો આ વર્ષમાં ઉપલેટા તાલુકા માટે મંજુર કરવામાં આવેલ છે.

આ રોડ રસ્તા મંજુર થતાં ઉપલેટા શહેર કોંગ્રેસ પ્રમુખ કૃષ્ણકાન્ત ચોટાઇ, તાલુકા પંચાયત પ્રમુખ લાખાભાઇ ડાંગર, રમણીકભાઇ લાડાણી, જયદેવસિંહ વાળા, લખમણભાઇ ભોપાળા, વલ્લભભાઇ મુરાણી, કિશોર ગજેરાએ લલિત વસોયાને અભિનંદન પાઠવેલ હતા.