Gujarati News

રાજકોટ તા. ૨૪: થાનના નવાગામમાં રહેતાં અને કારખાનામાં મજૂરી કરતાં મહેશ સુરેશભાઇ મીઠાપરા (ઉ.૨૫) નામના કોળી યુવાનને રાત્રે દસેક વાગ્યે બાઇક હંકારી નવાગામ-વિજયળીયા રોડ પરથી જતો હતો ત્યારે સરકારી શાળા પાસે મહેશ અવચર કોળી, અશોક અવચર કોળી અને અજાણ્યા શખ્સોએ અટકાવી ધોકાથી માર મારતાં રાજકોટ સિવિલમાં ખસેડાયો છે. અગાઉ કારખાનામાં સાથે કામ કરતી વખતે બોલાચાલી થઇ હોઇ તેનો ખાર રાખી હુમલો કરાયાનું જણાવાયું હતું. હોસ્પિટલ ચોકીના દેવરાજભાઇ નાટડા અને ધર્મેશભાઇએ થાન પોલીસને જાણ કરી હતી. (૧૪.૫)