Gujarati News

અમદાવાદ,તા.૨૪ :  ભારતના બાર જ્યોર્તિલિંગ પ્રથમ ભગવાન શ્રી સોમનાથ મહાદેવ મંદિરે આજે કાગવડ ખોડલધામ ટ્રસ્ટ ચેરમેન નરેશભાઈ પટેલે પવિત્ર શ્રાવણ માસમાં સહપરિવાર-ટ્રસ્ટીઓ-મિત્રો સાથે સોમનાથ મહાદેવના દર્શન-પૂજન કર્યા. શિવભક્ત નરેશભાઈ સોમનાથ મંદિરે આવતા-રહેતા હોય છે જ્યાં તેમને ભગવાન સદાશિવનું ધ્યાન ધરી શિવમય બન્યા. તેમની સાથે તેમના પત્ની-પુત્ર તથા ટ્રસ્ટી બકુલભાઈ સહિત મિત્ર મંડળ આ શિવ દર્શન યાત્રામાં જોડાયુ હતું અને શિવ દર્શનથી ધન્ય બન્યા. સોમનાથ મંદિર ખાતે જનરલ મેનેજર વિજયસિંહ ચાવડા, સોમનાથ સિક્યોરીટીના ઉમેદસિંહ જાડેજા, પ્રવિણસિંહએ વ્યવસ્થા ગોઠવી હતી.