Gujarati News

Gujarati News

News of Tuesday, 23rd February 2021

મોરબીમાં સિરામિક કંપની સીમ્પોલો ગ્રુપ દ્વારા રામ મંદિર નિર્માણ માટે ૧૧,૧૧,૧૧૧ અર્પણ

(પ્રવિણ વ્યાસ દ્વારા) મોરબી તા. ૨૩ : રામમંદિર નિર્માણ માટે નિધિ એકત્રીકરણ અભિયાન ચાલી રહ્યું હોય જે અંતર્ગત મોરબીના અગ્રણી સિરામિક ગ્રુપ સીમ્પોલો ગ્રુપ દ્વારા રામ મંદિર નિર્માણ માટે રૂ ૧૧,૧૧,૧૧૧ અર્પણ કર્યા હતા.

મોરબી સિમ્પોલો ગ્રૂપ દ્વારા શ્રી રામ મંદિર સમર્પણ નિધિ ખાતે રૂ. ૧૧,૧૧,૧૧૧ ની રકમ અર્પણ કરાઈ છે સિમ્પોલો ગ્રૂપના ચેરમેન જિતેન્દ્રભાઈ અઘારાના હસ્તે આ અનુદાન શ્રી રામના શ્રીજી ચરણમાં અર્પણ કરેલ છે.

આ પ્રસંગે સિમ્પોલો ખાતે ડો. લલિતભાઈ ભાલોડીયા- રાષ્ટ્રીય સ્વયં સેવક સંઘના મોરબી જિલ્લા સંઘચાલક, જયંતિભાઈ ભાડેસીયા- રાષ્ટ્રીય સ્વયંસેવક સંઘના પશ્ચિમ ક્ષેત્ર સંઘચાલક, મહેશભાઇ બોપલિયા, રાષ્ટ્રીય સ્વયં સેવક સંઘના મોરબી જિલ્લાના કાર્યવાહક અને મહેન્દ્રભાઇ સાવસની, વિશ્વ હિન્દુ પરિષદના મોરબી જિલ્લાના કાર્યવાહક ઉપસ્થિત હતા. સિમ્પોલો ગ્રૂપના CMO ભરતભાઇ, ડાયરેકટર દિલેશકુમાર પટેલ અને જિગ્નેશભાઈ કાકડિયા પણ ઉપસ્થિત રહ્યા હતા.

(1:18 pm IST)
  • મધ્યપ્રદેશમાં પણ કોરોનાના કહેરનો ખતરો : મહારાષ્ટ્ર બોર્ડરના જિલ્લામાં એલર્ટ : આરોગ્યમંત્રીએ જિલ્લા ક્રાઈસીસ મેનેજમેન્ટ ગ્રુપ સાથે બેઠક કરી :કોરોના ગાઈડલાઇનનું ચુસ્ત પાલન કરાવવા આદેશ : મહારાષ્ટ્રથી આવનાર પ્રવાસીઓને થર્મલ સ્ક્રીનિંગ કરાશે : મોટા મેળાવડા સહિતના આયોજન પર રોક લગાવાઈ access_time 11:20 pm IST

  • 'આપ'ના રાજભા ઝાલાને માત્ર ૧૧૨૦ મત મળ્યા : બીજા રાઉન્ડના અંતે બપોરે ૨ વાગે 'આપ'ના અગ્રીમ નેતા અને ભાજપના સ્ટેન્ડીંગ ચેરમેન રહી ચૂકેલા, ભાજપ સામે ઉપવાસ આંદોલન કરનાર શ્રી રાજભા ઝાલાને પ્રજાએ સંપૂર્ણ જાકારો આપ્યો છેઃ બીજા રાઉન્ડના અંતે રાજભાને ૧૧૨૦ મત મળ્યા છેઃ જયમીન ઠાકરને ૩૮૪૫, મનીષ રાડીયા ૩૪૩૫૭ access_time 3:57 pm IST

  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST