Gujarati News

Gujarati News

News of Saturday, 23rd January 2021

મોરબીમાં લુંટારૂ ટોળકી ત્રાટકી : અનેક લોકોને નિશાન બનાવી રીતસરનો આંતક મચાવ્યો : પોલીસ તપાસનો ધમધમાટ : પોલીસે પેટ્રોલિંગ શરૂ કર્યુ

ઘેર પરત ફરતા કાર અને બાઇક ચાલકને લૂટારૂ ટોળકીએ શિકાર બનાવી : ઇજાગ્રસ્ત લોકોને સારવારમાં ખસેડવામાં આવ્યા

ટંકારા, તા. ર૩ : મોરબીમાં આજે રાત્રીના આરટીઓ નજીક લૂંટારું ટોળકી ત્રાટકી હતી જેમાં એક પછી એક કાર અને બાઇકને આંતરીને આડેધડ માર માર્યો હતો જો કે આ માર મારવાના કારણે લોકો ગભરાઈ ગયા હતા અને જે માંગ્યું એ આપી દીધું હતું અને જે વાહન ચાલકોએ રૂપિયા આપવાની ના પાડી તેને છરી અને ધોકા વડે માર માર્યો હતો.

જો કે આ ઘટના એ થોડી જ વારમાં ચકચાર મચાવી દેતા પોલીસ સુધી ફોન રણકયા હતા જેને પગલે મોરબી એલસીબી એસઓજી એ ડિવિઝન બી ડિવિઝન તાલુકા પોલીસનો કાફલો ઘટના સ્થળે પહોંચી ગયો હતો ત્યારે આ લૂંટારું ટોળકીના શખ્સો પણ હાથ વેતમાં હોવાનું જાણવા મળ્યું છે જેમાં હાલ રોહિત લો નામના ટંકારા ના યુવાન સીરામીક યુનિટથી પરત આવી રહ્યો હતો ત્યારે ઘણા વાહન ચાલકોના કાચ તૂટેલા અને બાઈક પડ્યા હતા જો કે યુવાન રોહિત પાસેથી રોકડ આઠ હજાર લૂંટયા હોવાનું યુવાને જણાવ્યું છે.

આ સિવાય અન્ય લોકો પાસેથી પણ લાખોની મત્તા ની લૂંટ થઈ હોવાની માહિતી મળી રહી છે જો કે આ ઘટનાની ચોક્કસ માહિતી તો પોલીસની તપાસ બાદ જ બહાર આવશે પરન્તુ મોરબી કચ્છ હાઇવે પર જ આ ઘટના બનતા લોકોમાં ફફડાટ વ્યાપી ગયો છે પોલીસે એક આરોપી ને પકડી પાડ્યો છે જેનું નામ આશીફ હોવાનું જાણવા મળ્યું છે જેથી આ ઈસમો લોકલ હતા કે મોરબીના એ પણ તપાસ હાથ ધરી છે જો કેં પોલિસે હાલ ચુસ્ત બંદોબસ્ત ગોઠવી મોરબી કચ્છ હાઇવે પર રાઉન્ડ ધ કલોક પેટ્રોલિંગ હાથ ધરી આગળની કાર્યવાહી હાથ ધરી છે.

(1:03 pm IST)
  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST

  • અમેરિકન બ્રોડકાસ્ટિંગ લિજેન્ડ લેરી કિંગનું લોસ એન્જલસમાં સીડર-સિનાઈ મેડિકલ સેન્ટરમાં નિધન થયું છે. અહેવાલ મુજબ તેઓને COVID19 પોઝિટિવ આવતા હોસ્પિટલમાં દાખલ કરાયા હતા. તેઓ 87 વર્ષના હતા. access_time 7:03 pm IST

  • ભારત-ચીન સરહદ વિવાદ : ફરીથી શરૂ થશે વાતચીત, આગામી દિવસોમાં કોર્પ્સ કમાન્ડર સ્તરની બેઠક access_time 12:54 pm IST