Gujarati News

રાજકોટ, તા.રર : દિવાળી અને અન્ય તહેવારોમાં ગુજરાતથી ઉતર ભારત બિહાર અને પશ્ચિમ ભારત માટે મોટી સંખ્યામાં પ્રવાસીઓનું આવન-જાવન થાય છે. આ સંદર્ભે મુસાફરોની સુવિધા માટે પશ્ચિમ રેલ્વે ઓખા અને પોરબંદરથી હાવડા સુધીની ખાસ ફેસ્ટીવલ સ્પેશયલ સુપરફાસ્ટ ટ્રેન દોડાવવાની જાહેરાત કરી છે.

રાજકોટ રેલ્વેના કોમર્શીયલ મેનેજર અભિનવ જેફેએ જણાવ્યું હતું કે ઓખા-હાવડા સુપરફાસ્ટ ટ્રેન રપ ઓકટોબરથી ર૯ નવેમ્બર વચ્ચે દર રવિવારે સવારે ૮-૧૦ વાગ્યે ઓખાથી રવાના થશે, જે રાજકોટ ૧ર-૪૦એ આવશે અને હાવડા ત્રીજા દિવસે વહેલી સવારે ૩ાા વાગ્યે પહોંચશે. આ જ ટ્રેન ર૭ ઓકટોબરથી ૧ ડીસેમ્બર સુધી દર મંગળવારે રાત્રે હાવડાથી ૧૦-પ૦ વાગ્યે ઉપડશે અને ત્રીજા દિવસે બપોરે ૧ાા વાગ્યે રાજકોટ પહોંચશે અને ઓખા ૬ાા વાગ્યે પહોંચશે.

આ ટ્રેન દ્વારકા, ખંભાળીયા, જામનગર, રાજકોટ, સુરેન્દ્રનગર, વિરમગામ, અમદાવાદ, આણંદ, વડોદરા, સુરત, નંદુરબાર, ભુલાવળ, અકોલા, બડનેશ, નાગપુર, ગોડીયા, રાજનંદગાવ, દુર્ગ, રાયપુર, ભાટાપારા, બિલાસપુર, ચમ્વા, રાયગઢ, ટાટાનગર ખડકપુર વિગેરે સ્ટેશને ઉભી રહેશે.

આ ઉપરાંત પોરબંદર-હાવડા સુપરફાસ્ટ સ્પેશયલ ટ્રેન ગઇકાલથી શરૂ થઇ છે જે ર૬ નવેમ્બર સુધી ચાલશે. આ ટ્રેન બુધવાર-ગુરૂવારે સવારે ૮ વાગ્યે પોરબંદરથી ટ્રેન ઉપડશે, જે બપોરે ર-૩૯ રાજકોટ પહોંચશે અને ત્રીજા દિવસે વહેલી સવારે ૩ાા વાગ્યે હાવડા પહોંચશે. આ જ ટ્રેન કાલથી હાવડાથી શુક્રવાર-શનિવારે રાત્રે ૧૦-પ૦ વાગ્યે રવાના થશે. તમામ બંને ટ્રેનમાં સેકન્ડ એસી-થર્ડએસી-સ્લીપર-સેકન્ડ કલાસના કોચ હશે.