Gujarati News

(વિપુલ હિરાણી દ્વારા ) ભાવનગર:;બે વર્ષ પુર્વે ભાવનગર જિલ્લાના વલ્લભીપુર તાલુકાના મોણપુર ગામે થયેલી સામસામી મારામારી માં એક ૪૦ વર્ષીય યુવાનનું મોત નિપજતા આ બનાવ હત્યામાં પરીણામ્યો હતો . જ્યારે સામાપક્ષે પણ મારા મારી માં ઇજા થતા સામસામી પોલીસ ફરીયાદ જે તે સમયે નોંધાઇ હતી આ હત્યા કેસમાં સંડોવાયેલા બે આરોપી પૈકીના એક આરોપીની સુરત ખાતે હત્યા થઇ હતી . ભાવનગરના ડીસ્ટ્રીક્ટ એન્ડ સેસન્સ જજ પીરઝાદા એ  મુખ્ય આરોપી સામે હત્યાનો ગુનો સાબીત માની આજીવન કેદની સજા ફટકારી હતી . જ્યારે મારા મારીના સામાપક્ષે નોંધાયેલી ફરીયાદ માં બે આરોપીઓને ૬-૬ માસની અદાલતે સજા ફટકારી હતી .

આ બનાવની જાણવા મળેલ વિગતો મુજબ વલ્લભીપુર તાલુકાના મોણપુર ગામે આવેલા ભરવાડવાસમાં ગત તા . ૬ / ઓક્ટોબર / ૨૦૧૯ ના રોજ રાત્રીના સમયે મારામારીનો બનાવ બનેલ જેમાં વજુભાઇ લખમણભાઈ આલગોતર ( આ.ઉ.વ .૪૦ ) નામના યુવાનને ગંભીર ઇજા પહોંચતા તેનુ મોત નિપજ્યુ હતુ આ મારામારી નો બનાવ હત્યામાં પરીણામ્યો હતો . આ બનાવ અંગે છેલાભાઇ લખમણભાઇ આલગોતરે જે તે સમયે ભરતભાઇ સુરસંગભાઇ તથા ગજેન્દ્રભાઇ સુરસંગભાઇ ચૌહાણ સામે ફરિયાદ નોંધાવતા પોલીસે બંન્ને આરોપીઓ સામે ઇપીકો કલમ ૩૦૨ સહિતનો ગુનો નોંધીયો હતો .

  આ અંગેનો કેસ આજરોજ ભાવનગરના પ્રિન્સીપલ ડીસ્ટ્રીક્ટ એન્ડ સેસન્સ જજ પીરઝાદા ની અદાલતમાં ચાલી જતા અદાલતે જીલ્લા રકારી વકીલ મનોજભાઇ જોષીની અસરકાર દલીલો , ૧૨ સાહેદોની જુબાની તેમજ ૩૫ દસ્તાવેજી પુરાવાને ધ્યાને લઇ મુખ્ય આરોપી ગજેન્દ્ર સુરસંગભાઇ ચૌહાણ સામે ઇપીકો કલમ ૩૦૨ નો ગુનો સાબીત માની આરોપીને આજીવન કેદની સજા તથા રોકડા રૂા . ૧૦ હજારનો દંડ તથા ઇ.પી.કો. કલમ ૩૨૪ માં ૩ વર્ષની સજા અને ૩ હજાર નો દંડ તથા ઇ.પી.કો. કલમ ૩૨૩ માં ૬ માસની સજા અને પાંચસો રૂપિયા દંડ તથા હથીયાર બંધીના જાહેરનામાના ભંગ બદલ ૩ માસની સજા અને ૧૦૦ રૂપિયાનો દંડની સજા ફરમાવેલ છે . આ કામે ચાલતા કેસ દરમ્યાન આરોપી ભરતભાઇ સુરસંગભાઇ ચૌહાણનું સુરત મુકામે ખુન થયેલ હતું . જ્યારે સામાપક્ષે ભરતભાઇ સુરસંગભાઇ ચૌહાણે આરોપી છેલાભાઇ લખમણભાઇ આલગોતર તથા બોઘાભાઇ લખમણભાઇ આલગોતર વિગેરે સામે ફરીયાદ આપેલી જે અન્વયેનો કેસ ચાલી જતા નામ . સેસન્સ જજ શ્રી પીરાઝાદા  દ્વારા બંન્ને આરોપીઓને ઇપીકો કલમ ૩૨૩ માં તકસીરવાન ઠરાવી ૬ માસની સજા અને રૂા . પ ૦૦ નો દંડ ફટકારેલ છે આ કામે ફરીયાદપક્ષે ૯ સાહેદોની જુબાની લેવામાં આવેલ અને ૯ દસ્તાવેજી પુરાવાઓ રજુ કરવામાં આવેલ તેને તથા એ.ડી.પબ્લીક પ્રોસીક્યુટર મિતેષ એચ . મહેતાની દલીલોને ધ્યાને લઇ ઉપરોક્ત સર્જા ફરમાવવામાં આવેલ છે